Almaty qalasynda «Qalqamandaǵy aýrýhana» degen ataýmen tanymal №7 qalalyq klınıkalyq aýrýhanasynda medısınanyń ozyq jetistigi sanalatyn elektrodsyz kardıostımýlıator salyna bastady, dep habarlaıdy Egemen.kz.
QR DSM shtattan tys bas arıtmology Aıan Ábdirahmanovtyń jetekshiligimen «Resınhronızasııalyq terapııa jáne elektrodsyz kardıostımýlıator ımplantasııasyn qoldanýmen sozylmaly júrek kemistigin emdeýdiń zamanaýı tásilderi» taqyrybynda sheberlik dárisi ótti.
Sheberlik saǵatyna shamamen 51-57 jastaǵy pasıentter qatysty. Bul pasıentterdiń basym kópshiligi júrek qyzmetiniń jetispeýshiligi men ómirge qaýip tóndiretin júrek yrǵaǵynyń buzylýynan zardap shekti. Barlyq pasıentterge zamanaýı qurylǵylar sátti ornatyldy. Barlyq operasııalar elimizdegi sátti jumys isteıtin MÁMS júıesi sheńberinde tegin jasaldy.
Implantasııalanǵan biregeı elektrodsyz kardıostımýlıator adam ómirine qaýip-qaterdi azaıtyp, ómir súrý sapasyn edáýir jaqsartýǵa múmkindik beredi.
«Dástúrli kardıostımýlıatorlarǵa qaraǵanda, bul qurylǵy elektrodtardy júrekke tamyrlar arqyly qosýdy talap etpeıdi jáne teriniń astyna ornalastyrylmaıdy. Bul qondyrǵy san tamyrlary arqyly júrektiń oń jaq qarynshasynyń qýysyna tikeleı ornatylady jáne pasıent ony sezbeıdi. Buryn pasıentke teriniń astyna ornatylǵan «qondyrǵy» seziletin, qazirgi ımplantat tipti baıqalmaıdy, deıdi ıntervensııalyq hırýrgııa jáne arıtmologııa bólimshesiniń meńgerýshi S.M.Anartaev.
«Jańa qurylǵynyń basty artyqshylyǵy qashyqtan monıtorıng júrgize alady. Qurylǵyny ornatý mobıldi qosymshamen úndestiriledi, onyń kómegimen emdeýshi dáriger naqty ýaqyt rejıminde pasıenttiń jaǵdaıyn qadaǵalaıdy, dabyl belgilerin kóredi jáne kenetten asqyný bolǵan jaǵdaıda shuǵyl áreket etedi. Bul tek jaı ǵana yńǵaıly tehnologııa emes – ol adam ómirin qutqarýshy qural. Buryn pasıentter ózderinniń jaǵdaıdyń nasharlaýyn baıqamasa, búgin dáriger pasıenttegi ózgeristerdi birden baıqaıdy. Bul teorııa júzinde ǵana emes, bul praktıkaǵa engizilip otyrǵan júıe. Bizdiń maqsatymyz - jaı ǵana operasııa jasaýmen shektelip qalmaı, pasıentti dıagnostıkadan bastap, tolyq baqylaý sıklimen qamtamasyz etý», dedi arıtmolog-dáriger Qanat Ereshev.
Sheberlik dárisine Dýbaı kardıologııalyq qondyrǵyny shyǵaratyn halyqaralyq kompanııanyń ókilderi qatysty. Kompanııa ókilderi baǵdarlamalyq qamtamasyz etýmen jumys isteý boıynsha tehnıkalyq trenıng ótkizdi.
Sozylmaly júrek-qan tamyrlary aýrýlary bizdiń elimizde ǵana emes, álemniń barlyq elderinde áli de ólim-jitimniń negizgi faktorynyń biri bolyp otyr. Degenmen, ozyq medısınalyq tehnologııalardy engizý ólim-jitim kórsetkishiniń tómendete alady.