Almatydaǵy №2 Qalalyq balalar klınıkalyq aýrýhanasynda aıaq-qoldyń týabitti jáne júre paıda bolǵan kemistiginiń zardabyn tartyp kele jatqan balalarǵa rekonstrýktıvtik otalar jasaldy, dep habarlaıdy Egemen.kz.
Aýrýhananyń baspasóz qyzmetiniń málimdeýinshe halyqaralyq sheberlik dárisine elimizdiń túpkir-túkpirindegi klınıkalarda ortopedııa-travmatologııa, mıkrohırýrgııa bólimderinde eńbek etetin dárigerler qatysqan.
«RF-nyń Sankt-Peterbýrg qalasynan shaqyrylǵan hırýrg Sergeı Golıannyń jetekshiligimen ótken sheberlik sabaǵy kezinde qazaqstandyq balalarǵa 8 kúrdeli ota jasaldy. Oǵan qosa Reseıdiń ataqty plastıkalyq hırýrgi taǵy 20 kishkentaı pasıentke keńes berip, otandyq áriptesterimizge mıkrohırýrgııa salasyndaǵy ozyq ádistemeler jóninde leksııalar oqydy. Bul sharanyń Qazaqstandaǵy balalar mıkrohırýrgııasyn damytýǵa qosar úlesi zor», dep atap ótti №2 QBKA dırektory Marat Rabandııarov.
Kúrdeli operasııalardyń bári MÁMS qarajaty esebinen jasaldy. Pasıentterdiń eń kishisi 1 jasta. Bala anasynan 8 saýsaqpen týǵan. Polıfalangııa dep atalatyn kemistik saldarynan ósip kele jatqan balanyń qolyndaǵy artyq saýsaqtar oıynshyqtardy ustap, alaqanyn ashyp-jumýǵa kedergi keltirip keledi. Búgingi shara barysynda dárigerler otany zergerlik sheberlikpen oryndap, sábıge tolyqqandy ómir súrýge múmkindik syılady.
«Biz úshin bul keremet jańalyq boldy. Osyndaı otany Almatyda, tegin jasatamyz degen oı úsh uıyqtasaq túsimizge kirmegen edi», deıdi anasy.
Hırýrg Sergeı Golıananyń aıtýynsha sheberlik klasyn jáı ǵana tájirıbe almasý dep qarastyrýǵa bolmaıdy.
«Sebebi biz qazaqstandyq áriptestermen birge balalardyń bolashaqta emin-erkin qımyldap, qalypty ómir súrýine jaǵdaı jasadyq», dep atap ótti hırýrg.