Qazaqstan Ekologııa jáne tabıǵı resýrstar mınıstri Erlan Nysanbaev Úkimet otyrysynda qazaqstandyqtardan eń kóp shaǵym túsetin óńirlerdiń ákimdikterin atady, dep habarlaıdy Egemen.kz.
Búgin qoǵamdyq keńistiktiń jáne qorshaǵan ortanyń jaı-kúıine baqylaý ornatý aıasynda sıfrlandyrý múmkindikteri tabysty qoldanylyp jatqany atap ótildi. О́tken jyly ekologııalyq máseleler men abattandyrýǵa qatysty usynystar men shaǵymdardy qabyldaýǵa arnalǵan @TazaQazBot iske qosylǵan.
Bıylǵy jyldyń ózinde 11 myńnan astam ótinish kelip túsken, onyń ishinde 10 myńy oryndalǵan.
Mınıstrdiń aıtýynsha, azamattar eń jıi kóteretin máseleler — aýmaqtardy tazalaý qajettigi (2 963), qoqys shyǵarý (662), kóshelerdi abattandyrý jáne trotýarlardy kútip ustaý (607).
Sonymen qatar, portal arqyly ótinishterdiń sapasyz nemese tolyq oryndalmaýyna baılanysty shaǵymdar da tirkelip jatyr.
«Jetisý oblysynda árbir altynshy ótinishke ákimdikke qatysty shaǵym qosylady (118 ótinishtiń 19-yna shaǵym kelip túsken). Sondaı-aq, shaǵymdar úlesi joǵary óńirlerdiń qatarynda Shymkent, Aqmola oblysy jáne Ulytaý oblysy bar», dedi Erlan Nysanbaev.
Alaıda bul óńirlerge barlyq ótinishterdiń nebári 4%-y ǵana tıesili. Mysaly, Túrkistan oblysynda 1600 ótinishke bar bolǵany 5 shaǵym kelip túsken — bul 1%-dan az.
Mınıstr negizsiz ótinishterdi joıý faktilerine de jeke toqtaldy.
«Almaty qalasynda ruqsat etilmegen qoqys tógilgen oryndar týraly habarlaǵan 7 turǵynnyń ótinishi Polısııa departamentine joldanǵan. Alaıda, ruqsatsyz qoqys oryndaryn joıý — ákimdikterdiń tikeleı mindeti jáne bul jumys qoldanystaǵy ókilettikter aıasynda oryndalýy tıis», dep atap ótti mınıstr.