Búgin, 3 shilde kúni saǵat 13:58-de, Astana ýaqyty boıynsha Aýǵanstan aýmaǵynda jer silkinisi tirkeldi. Bul týraly QR Tótenshe jaǵdaılar mınıstrliginiń «Ulttyq seısmologııalyq baqylaý jáne zertteý ǵylymı ortalyǵy» JShS habarlady, dep jazady Egemen.kz.
Seısmologııalyq stansııalar jelisiniń málimetinshe, jerasty dúmpýi soltústik endik 37.23°, shyǵys boılyq 70.88° koordınattarynda bolǵan. Zilzalanyń magnıtýdasy mb = 5, al energetıkalyq klasy K = 10.9 deńgeıinde tirkelgen.
Aıta keteıik, bul Aýǵanstanda sońǵy kúnderi tirkelgen ekinshi jer silkinisi. Esterińizge sala keteıik, 30 maýsym kúni tańǵy saǵat 07:32-de de dál osy óńirde jer dúmpýi baıqalǵan edi.
Sonymen qatar sońǵy ýaqytta álemniń ártúrli bólikterinde seısmıkalyq belsendilik artqany baıqalady. Máselen, Japonııada sońǵy eki aptaǵa jýyq ýaqytta 900-ge jýyq jer silkinisi tirkelgen.