EKI APTADA 3 TONNADAN ASTAM QARASORA TÁRKILENDI

Qylmys “Kendir - 2010” operasııasy aıasyn­da jambyldyq polıseıler QR IIM UQK ókilderimen birigip Shý aýdanynyń Tasótkel aýyly­nyń aımaǵynan ońtústik astana­nyń 41 jasar turǵynyn marıhýana daıyndaý kezinde qolǵa túsirdi. Buryn adamdardy tonaýǵa qatys­qany úshin sotty bolǵan kúdiktige qatysty tergeý amaldary júr­gizilýde. Ol eki táýlik ishinde 1 tonna 40 kılo qarasora daıyndap, keptir­gen. Jambyl oblysy IID aýdan­ara­lyq esirtki bıznesimen kúres bóliminiń bastyǵy Q. Japabaev­tyń aıtýynsha, kúdikti jerkepe jasap, ony kún ysyǵan ýaqytta baspana qylǵan. Bir aptalyq azyq-túligi men basqa da kerek-jaraqtary jeterlik. Jeńil jol­men mol aqsha tabýdy “jospar­laǵan” kúdiktiniń esebi boıynsha, 1 tonna qarasoradan 10 mıllıon teńge jasaýǵa bolady eken. Oblysta “Kendir – 2010” operasııasy bastalǵaly beri polıseıler 10 esirtki qylmysyn anyqtap, zańsyz aınalymdaǵy 3,5 myńǵa jýyq esirtki zattaryn tárkilegen. Bir apta buryn jergilikti turǵyn da ustaldy. Ol 1 tonna 200 kılo marıhýana jasap úlgeripti. Kósemáli SÁTTIBAIULY. Jambyl oblysy, Shý aýdany.