Premer-mınıstr Oljas Bektenov Úkimet otyrysynyń qorytyndysy boıynsha ótken baspasóz máslıhatynda Memleket basshysynyń 2029 jylǵa qaraı ekonomıkany ártaraptandyrý arqyly $450 mlrd-qa deıin qol jetkizýge qatysty bergen tapsyrmasy aıasynda jýrnalısterdiń qoıǵan suraqtaryna jaýap berdi, dep jazady Egemen.kz.
«Tapsyrma barynsha bıik, biraq qol jetkizýge bolady. О́tken jyly Qazaqstanda JIО́ kólemi $286 mlrd-ty qurady. Bıyl ekonomıkalyq ósý kórsetkishterin eskerip, $300 mlrd-qa jetkizýdi kózdep otyrmyz. Aldaǵy jyldary qarqyndy ekonomıkalyq ósýdi qamtamasyz etý arqyly $450 mlrd-qa qol jetkize alamyz. Ol úshin elimizdiń ónerkásiptik áleýetin damytý, ekonomıkany ártaraptandyrý boıynsha aýqymdy jumys júrgizilýde. «Báıterek» holdıngi jelisi boıynsha kólemdi baǵdarlama iske qosyldy, ol ekonomıkaǵa qosymsha 8 trln teńge ınvestısııa tartýǵa múmkindik beredi. Josparda – 1,5 trln teńgege 190 ónerkásiptik jobany iske qosý. Eger biz osy baǵytta jumys isteıtin bolsaq, onda alǵa qoıǵan maqsattarǵa jete alamyz», dedi Oljas Bektenov.
Úkimet ekonomıkanyń ósýin yntalandyrý úshin birqatar baǵytty belgiledi. Bul munaı óńdeý, metallýrgııany jańǵyrtý, TKSh ınfraqurylymyn aýqymdy jańartý, elektr energetıkasy, aýyl sharýashylyǵy jáne mıneraldyq-shıkizat bazasyn, onyń ishinde sırek kezdesetin metaldardy ulǵaıtý.
Sondaı-aq jańa salalardy damytýda úlken áleýet bar, olardyń qatarynda munaı-gaz hımııasy, avtomobıl jasaý, temirjol mashına jasaý, tyńaıtqyshtar óndirý bar. Jyl saıyn óńdeý ónerkásibi men AО́K-de jańa jobalar engiziledi.
О́sýdiń negizgi núktelerin damytý ulttyq ınfraqurylymdyq jospardy júzege asyrýǵa kóńil bólinip, qajetti ónerkásiptik jáne kóliktik ınfraqurylymmen qamtamasyz etiledi.
Budan bólek, osy jyldan bastap «Báıterek» holdıngi jelisi boıynsha basym sektorlardy qarjylandyrý aıtarlyqtaı ulǵaıýda.
2029 jylǵa deıin jańa óndiristerdi iske qosýmen 17 iri jobany júzege asyrý bastalǵan.
Olardyń ishinde hımııa ónerkásibindegi avtomobılder, býtadıen, ammıak jáne karbamıd óndiretin zaýyttar, metallýrgııalyq klaster, mys balqytý zaýyty, sondaı-aq Shymkent MО́Z óndiristik qýattaryn keńeıtý bar.