Almatydaǵy №11 qalalyq emhanasynyń profılaktıka jáne áleýmettik-psıhologııalyq kómek bóliminiń meńgerýshisi Alıona Zekýnova skrınıngten ýaqtyly ótýdiń ózekti ekendigin eske saldy, dep jazady Egemen.kz.
Skrınıng – bul jaı ǵana medısınalyq tekseris emes. Bul – aýrý belgileri áli baıqalmaı turyp, qaýipti dertterdi asqyndyrmaı anyqtaýǵa múmkindik beretin shara.
Bul tekserý 40 pen 70 jas aralyǵyndaǵy adamdarǵa jup jyldary (40, 42, 44, 46, 48, 50, 52, 54, 56, 58, 60, 62, 64, 66, 68, 70) ótkiziledi. Baǵdarlama aıasynda dárigerler arterııalyq gıpertonııa, ıshemııalyq júrek aýrýy, qant dıabeti, glaýkoma men onkologııalyq aýrýlardyń bar-joǵyn tekseredi. Sonymen qatar, qaýip faktorlary: dene salmaǵy, ómir salty, fızıkalyq belsendilik deńgeıi, arterııalyq qysym jáne tamaqtaný jaǵdaıy baǵalanady.
40-70 jas aralyǵyndaǵy erler men áıelder, oftalmologtyń esebinde turmaǵan jaǵdaıda, glaýkomaǵa arnaıy tekserýden ótedi. Áıelder jatyr moıny obyryna qarsy skrınıngten 30, 34, 38, 42, 46, 50, 54, 58, 62, 66 jáne 70 jasynda ótedi, sondaı-aq sút bezi obyryna qarsy tekserý 40 pen 70 jas aralyǵynda, onkologtyń baqylaýynda bolmasa da júrgiziledi. Al 50 men 70 jas aralyǵyndaǵy erler men áıelderge, ishek aýrýlary bolmaǵan jáne esepte turmaǵan jaǵdaıda, jup jyldary kolorektaldy qaterli isikke tekserý júrgiziledi.
Sonymen qatar, V jáne S vırýstyq gepatıtterine qarsy skrınıng qaýip tobyna kiretin adamdar arasynda ótkiziledi. Olardyń qataryna: hırýrgııa, gınekologııa, stomatologııa, qan qyzmeti men zerthana qyzmetkerleri sııaqty medısınalyq mamandar; josparly nemese shuǵyl operasııaǵa daıyndalyp jatqan naýqastar; gemodıalız, gematologııa, onkologııa jáne transplantologııa bólimshelerinde em qabyldap jatqan adamdar; qan quıǵyzatyn nemese aǵza, tin jáne jasýsha transplantasııasyn ótkergen pasıentter jatady. Sonymen qatar, árbir júkti áıel mindetti túrde tekserýden ótedi, sondaı-aq juqtyrý qaýpi joǵary osal top ókilderi de qamtylady.
Skrınıngten ýaqtyly ótý – densaýlyqty saqtap qalýdyń basty kilti bolýy múmkin. О́zińizdi kútińiz jáne mańyzdy tekserýdi keıinge qaldyrmańyz. Esińizde bolsyn, erte anyqtalǵan aýrýdy emdeý jeńil ári kóbinese sátti aıaqtalady.