«Taza Qazaqstan» jalpyrespýblıkalyq ekologııalyq naýqanyn júzege asyrý máselesi boıynsha keńeıtilgen keńeste atqarylǵan jumystardyń nátıjeleri, vedomstvoaralyq ózara is-qımyldyń tıimdiligi jáne aldaǵy ýaqyttaǵy basym baǵyttar, sonyń ishinde turǵyndardy ekologııalyq aksııalarǵa tartý máselelerimen tanysqan ákim Darhan Satybaldy jastardyń ekologııalyq bastamalarǵa kóptep qatysýyna erekshe nazar aýdarý qajettigin alǵa tartty. О́ıtkeni, jastar býyny qorshaǵan ortaǵa jaýapkershilikpen qaraý men turaqty tazalyq mádenıetin qalyptastyrýda sheshýshi rólge ıe, dep jazady Egemen.kz.
Qala basshysynyń aıtýynsha, tazalyq mádenıetin qalyptastyrýda jastardyń róli zor.
«Taza Qazaqstan» jalpyrespýblıkalyq ekologııalyq naýqanyn júzege asyrý máselesi boıynsha keńeıtilgen keńeste atqarylǵan jumystardyń nátıjeleri, vedomstvoaralyq ózara is-qımyldyń tıimdiligi jáne aldaǵy ýaqyttaǵy basym baǵyttar, sonyń ishinde turǵyndardy ekologııalyq aksııalarǵa tartý máselelerimen tanysqan ákim Darhan Satybaldy jastardyń ekologııalyq bastamalarǵa kóptep qatysýyna erekshe nazar aýdarý qajettigin alǵa tartty. О́ıtkeni, jastar býyny qorshaǵan ortaǵa jaýapkershilikpen qaraý men turaqty tazalyq mádenıetin qalyptastyrýda sheshýshi rólge ıe.
Búginde qalada jastardyń qatysýymen eńbek jasaqtary, eriktiler qozǵalysy, «Jasyl el», «Ekoreındjerler» jobalary, stýdenttik qaýymdastyqtar men komıýnıtı-ortalyqtar qala ákimdiginiń jobalyq keńsesiniń qoldaýymen belsendi jumys istep jatyr.
«Jasyl el» aıasynda 2 myńnan astam jas senbilikter men tanymdyq is-sharalarǵa qatysty. 144 000 jasyl jasyl jelek tekserilip, 35 ruqsatsyz qoqys alańy anyqtaldy. Komıýnıtı-ortalyqtar shaǵyn ekohabtar retinde jumys istep, turaqty tutyný mádenıeti men resýrstardy uqypty paıdalaný ádetin qalyptastyryp otyr. Bul bastamalarǵa 15 myńnan astam almatylyq jas qamtylǵan.
«Taza Qazaqstan» aksııasy bastalǵaly Almatyda 170-ten astam is-shara uıymdastyrylyp, 35 myńnan astam adamdy qamtydy. Qala turǵyndary senbilikterge, ekologııalyq reıdterge jáne ózge de jobalarǵa belsendi qatysyp keledi.
Sonymen qatar keri baılanys úshin sıfrlyq quraldar qoldanylady. Bıyl shildede TazaQazBot platformasy arqyly qala turǵyndarynan 305 ótinish túsip, basym bóligi sheshimin tapty. Qazir sanıtarlyq tazalaý, qoqys shyǵarý, aǵashtardy kesý men butaý, sýarý júıelerin qalpyna keltirý jumystary júrgizilip jatyr. Jasyl qordy baqylaý jáne problemalyq aýmaqtardy retke keltirý jumystary qatar atqarylyp otyr.
Darhan Satybaldy jastardyń atsalysýyn kúsheıtýdi, kreatıvti formattar men sıfrlyq bastamalardy qoldaýdy, aýmaqtardyń sanıtarlyq jaǵdaıyna turaqty monıtorıng júrgizip, turǵyndar arasynda TazaQazBot platformasynyń qoldanysyn keńeıtýdi tapsyrdy.
Almaty