Pavlodar qalasynda áıel adam besinshi qabattaǵy terezeden eki balasyn laqtyryp, artynsha ózi de sekirgen. Oqıǵa búgin, saǵat 13:00 shamasynda Nurmaǵambetov kóshesinde bolǵan, dep habarlaıdy Egemen.kz.
Oqıǵa ornyna birinshi dárejeli shuǵyl shaqyrtýmen úsh jedel járdem brıgadasy jiberilgen. Dárigerler oqıǵa ornyna alty mınýt ishinde jetken.
«Balalar aýyr halde oblystyq balalar aýrýhanasyna jetkizilgen. Áıel adamnyń ózi Pavlodar qalalyq №1 aýrýhanasyna túsken, jaǵdaıy aýyr», dep habarlady jedel járdem stansııasynyń baspasóz qyzmeti.
Pavlodar oblysynyń bala quqyqtary jónindegi ýákili Sáýle Shákenovanyń aıtýynsha, zardap shekken balalardyń biri – 1,5 jasta, ekinshisi – 5 jasta. Oqıǵa kezinde páterde tek áıel men onyń balalary ǵana bolǵan.
Aıta keteıik, buǵan deıin 2023 jyldyń qarashasynda Shymkentte de osyndaı oqıǵa tirkelgen edi. Onda áıel 3-shi qabattan balany laqtyryp, artynsha psıhdıspanserge jetkizilgen bolatyn.
Quzyrly organdar oqıǵanyń mán-jaıyn anyqtap jatyr.