Memleket basshysy Qasym-Jomart Toqaev eki jyl buryn «Zańsyz ıemdengen aktıvterdi memleketke qaıtarý týraly» zańǵa qol qoıǵany belgili. Áleýmettik ádildikti ornatyp, zańsyz ıemdengen qarajatty memleket menshigine qaıtarýdy kóksegen zań aıasynda Jambyl óńirinde birshama jumys atqaryldy.
Jergilikti atqarýshy bılik ókilderi men prokýratýra qyzmetkerleri birinshi kezekte shalǵaı aýyldardaǵy aýyzsý jáne medısınalyq nysan máselesin sheshýge basymdyq berip otyr. Naqtyraq aıtsaq, shalǵaıdaǵy aýyldardyń ózekti problemalaryn der kezinde sheshý – basty maqsat.
Birshama ýaqyt buryn Jambyl oblysynyń prokýrory Nurǵalym Ábdirov Qordaı aýdanyna qarasty Úlken Sulýtór aýylynda boı kótergen jańa dárigerlik ambýlatorııanyń ashylý saltanatyna qatysyp, zańsyz qoldy bolǵan aktıvterdi qaıtarý baǵytynda atqarylyp jatqan jumys týraly habardar etti. Onyń aıtýynsha, qaıtarylǵan aktıvter esebinen 19 aýyzsýmen qamtamasyz etý jáne densaýlyq saqtaý nysanynyń qurylysy qarjylandyrylǵan. Bul baǵyttaǵy jumys aldaǵy ýaqytta da qarqyndy túrde júrgizilmek.
«Prokýratýra organdary tarapynan zańsyz shyǵarylǵan aktıvterdi qaıtarý baǵytynda atqarylyp jatqan jumys ilki sátke de toqtamaq emes. Jambyl óńirinde qaıtarylǵan aktıvter esebinen áleýmettik mańyzdy ınfraqurylymdy damytý boıynsha tıisti is-sharalar qabyldandy. Birqatar nysannyń jumysy júıeli júrgizilip jatyr. Onyń jarqyn mysaly – medısınalyq kómekpen shalǵaı aýyldardy qamtý. О́ıtkeni shalǵaıdaǵy aýyl turǵyndary birinshi kezekte medısınalyq nysan kerek ekenin alǵa tartyp otyr», deıdi ol.
Prezıdent bastamasymen qolǵa alynǵan jumystyń sharapatyn Jambyl aýdanyna qarasty Jańaótkel aýylynyń turyndary da sezinip otyr. Jyldar boıy taza sýdyń taýqymetin tartqan eldi meken turǵyndary atqarylǵan jumysqa dán rıza. О́ıtkeni taıaýda atalǵan aýylda sýmen jabdyqtaý júıesi iske qosyldy. Jańa nysan iske qosylǵanǵa deıin jańaótkeldikter aýyzsýmen qamtylmaǵan edi. Qaıtarylǵan aktıvter esebinen atqarylǵan jumystyń arqasynda eldi mekendegi 260 turǵyn aýyzsýdyń azabynan qutyldy.
Jalpy alǵanda, óńirde qaıtarylǵan aktıvter esebinen aýyz toltyryp aıtarlyqtaı jumys atqarylyp jatqany málim. Birshama ýaqyt buryn óńirdiń birneshe aýdanynda shaǵyn eldi mekenderdi aýyzsýmen qamtý úshin naqty jumys bastalyp ketti. Máselen, mamyr aıynyń aıaq tusynda irgedegi Baızaq aýdanyna qarasty Jalǵyztóbe aýyldyq okrýgindegi Tórtkól eldi mekeninde sý qubyry jelileri men sý jınaý nysanyn salý jumysy bastaldy. Resmı derekke júginsek, jobany júzege asyrý arqyly shaǵyn aýyldaǵy 274 turǵyndy sapaly aýyzsýmen qamtamasyz etý múmkindigi týmaq.
Buǵan qosa Shý aýdanyna qarasty «Gorgaz» shaǵyn aýdanyn sapaly aýyzsýmen qamtý boıynsha da naqty jumys atqarylyp jatyr. Jalpy, qaıtarylǵan kapıtaldy halyq ıgiligi úshin tıimdi paıdalaný maqsatynda Shý aýdanynda 5 aýyzsý jobasyn iske asyrý úshin qarajat berilgen. Qazirgi kezde 3 jobanyń jumysy bastalǵan.
Qordaı aýdanyna qarasty Úlken Sulýtór aýylynda paıdalanýǵa berilgen medısınalyq nysan qyzmetkerleri alǵashqy dárigerlik jáne dárigerge deıingi kómek kórsetýge qaýqarly. Ambýlatorııa zamanaýı medısınalyq qural-jabdyqtarmen qamtylǵan. Munda fızıoterapııa, ońaltý jáne EKG kabınetteri bar. Buǵan deıin aýyl halqy 1959 jyly paıdalanýǵa berilgen eski ǵımaratqa baryp júripti.
Qalaı desek te, shalǵaıdaǵy aýyl turǵyndary qaıtarylǵan aktıvtiń paıdasyn kórip otyrǵany anyq. О́ıtkeni quzyrly mekeme qyzmetkerleri aldymen alystaǵy aǵaıynǵa qajetti áleýmettik nysandar salýǵa basymdyq berip otyr. Bul jumys jyl boıy júrgizilmek.
Jambyl oblysy