Búgin Bangkokta bokstan jastar arasynda (U-22) ótip jatqan Azııa chempıonatynyń jartylaı fınaldyq saıystary ótti. Sharshy alańǵa shyqqan jerlesterimzdiń barlyǵy da óz jekpe-jekterin jeńispen aıaqtady, dep habarlaıdy Egemen.kz.
60 kg salmaqtaǵy Nurıslam Qaldybaev býtandyq Dechen Dordjıdi nokaýtqa jiberse, 65 kg salmaq dárejesinde kúsh synasqan Ilıa Kalınınniń qarsylasy fılıppındik Mark Eshlı Fadjardonyń jarysy jalǵastyrýdan bas tartty. 70 kg salmaqtaǵy Nurbek Mursal malaızııalyq Mýhammad Arıften basym tússe, 80 kg salmaqtaǵy Sanjaráli Begalıev Úndistan ókili Anýsh Ankýshty bas kótertpeı utty. 90 kg salmaqta saıysqa túsken Temirlan Muqataev Ońtústik Koreıanyń oǵylany Iаchan Mýndy aıqyn basymdyqpen jeńdi.
Jarys kúniniń keshki sessııasynda qyzdar rıngke kóteriledi. Bul básekelerde Qazaq eliniń namysyn Gúlnaz Bóribaeva (48 kg), Baqyt Seıdish (70 kg), Shuǵyla Nálibaı (75 kg) jáne Ásel Toqtasyn (80 kg) syndy burymdylar el namysyn qorǵaıdy.