Polshanyń Varshavasynda kúres túrlerinen «Ziolkowski, Pytlasinski, Poland Open» halyqaralyq týrnıri aıaqtaldy, dep habarlaıdy Egemen.kz.
Atalǵan jarysta Qazaqstannyń balýandary alty medal jeńip aldy. Grek-rım kúresi sheberleri arasynan fınalǵa jalǵyz Baqytjan Qabdyl (63 kg) jetti. Sheshýshi tusta ol qyrǵyz sportshysyna utylyp, kúmis medaldi ıelendi. Saıfolla Qurman (63 kg), Dıas Qaltaı (82 kg) jáne Erzat Erlanov (97 kg) qolaǵa qol sozdy.
Al áıelder kúresinen ótken jarysta Elmıra Syzdyqova (76 kg) ekinshi oryn alsa, Zúlfııa Iаhıarova (55 kg) úshinshi satyǵa taban tiredi.