Búgin Qyrǵyzstanda qazaq-qyrǵyz jastar forýmynyń aıasynda uly ǵalym, etnograf Shoqan Ýálıhanovtyń ómiri men eńbegine arnalǵan derekti fılmniń tanystyrylymy ótti, dep habarlaıdy Egemen.kz.
QR Mádenıet jáne aqparat mınıstri Aıda Balaevanyń aıtýynsha, fılmde uly ǵalymnyń qyrǵyz halqynyń tarıhy men etnografııasyn zertteýge qosqan úlesi men «Manas» eposyn nasıhattaýdaǵy eńbegi keńinen qamtylǵan.
«Álemdik deńgeıdegi rýhanı qazyna sanalatyn «Manas» eposyn alǵash ret hatqa túsirip, ǵylymı ortaǵa usynǵan tulǵa – Shoqan Ýálıhanov edi. Sondaı-aq onyń «Ystyqkólge sapar kúndeligi» qazaq pen qyrǵyz halyqtarynyń ǵylymdaǵy jáne rýhanııattaǵy birliginiń aıqyn kýáligi», dep jazdy mınıstr.
Aıta keteıik, forýmǵa Qyrǵyz Respýblıkasynyń Memlekettik hatshysy Marat Imanqulov qatysyp, sharanyń mártebesin arttyrdy.
«Bizdiń elderdiń jastary dál osyndaı uly tulǵalardyń murasynan shabyt alyp, memleketterimiz arasyndaǵy yntymaqtastyqty nyǵaıta túsetini qýantady», dedi Aıda Balaeva.