Áleýmettik jelide 1 qyrkúıekte Tarazda kámeletke tolmaǵandar arasynda janjal bolyp, nátıjesinde olardyń biri pyshaq jaraqatyn alǵany týraly aqparat tarady. Aqparatty Jambyl oblysynyń polısııa departamenti rastady, dep habarlaıdy Egemen.kz.
Oblystyq polısııa departamenti jasóspirimniń ólimine qatysty qylmystyq is qozǵalǵanyn málimdedi.
«Kámeletke tolmaǵan kúdikti oqıǵa ornynda ustalyp, ýaqytsha ustaý ızolıatoryna qamaldy. Oqıǵanyń barlyq mán-jaıyn anyqtaý maqsatynda birqatar jedel-izdestirý sharalary júrgizilip jatyr», delingen habarlamada.
Jelide taraǵan aqparatqa sáıkes, 14 jastaǵy bala qaza tapqan. Sonymen qatar janjaldyń mektepten tys jerde bolǵany atap ótilgen.