Qazan qalasynda «aspan traktory» dep atalatyn agrodron synaqtan ótip, kópshilikti tańǵaldyrdy. Kádimgi dońǵalaqty tehnıkalar batpaqqa batyp júre almaı jatqanda, bul dron jańbyrdan keıin de erkin ushyp, egistikti emin-erkin óńdeı beredi.
150 kıloǵa deıin salmaqty kóteretin alyp qurylǵy saǵatyna 70 shaqyrymǵa deıin júıtkıdi. Al jumys rejiminde 25–35 km/saǵ jyldamdyqpen ushyp, bir mezette 20 metrden astam alqapty qamtıdy. Nebári bir aýysymda 600 gektar jerdi óńdeý múmkindigi bar. Injenerlerdiń aıtýynsha, dron dástúrli tehnıkadan 8–10 ese ónimdi. Sondaı-aq ol tyńaıtqysh pen dárini 15-20 paıyzǵa deıin únemdeıdi, al oıly-qyrly jerlerde shyǵyndy 40 paıyzǵa deıin azaıtady.