Ekaterınbýrgten Antalıaǵa ushqan AZUR air áýe kompanııasynyń ZF-839 reısi tehnıkalyq sebeppen Atyraý áýejaıyna qondy, dep habarlaıdy Egemen.kz.
RIA Novostı taratqan aqparatqa sáıkes, qoný sáti shtattyq rejımde jáne qaýipsiz ótken. Jolaýshylardyń ómirine eshqandaı qaýip tónbegen.
Áýe kompanııasynyń málimetinshe, Antalıaǵa odan ári ushýdy qamtamasyz etý úshin Máskeýden rezervtik áýe kemesi jiberilgen. Onyń ushyp shyǵýy Máskeý ýaqytymen 11:30-ǵa josparlanǵan.
Qazirgi ýaqytta 300-den asa jolaýshy Atyraý áýejaıynyń termınalynda ýaqytsha ornalastyrylǵan. Olarǵa avıasııalyq erejelerge sáıkes salqyndatylǵan sýsyndar men ystyq tamaq berilýde. Kompanııa jolaýshylarǵa rezervtik borttyń Túrkııaǵa qashan ushatyny týraly qosymsha habarlaıtynyn atap ótti.
“Aq Jaıyq” basylymynyń málimetinshe, zardap shekkender joq. Buǵan deıin Antalıadan ushyp shyqqan taǵy bir ushaq Astanada qona almaı, Almatyǵa májbúrli túrde qonǵan edi.