Atyraý oblystyq kardıologııa ortalyǵynda jasalǵan operasııalyq em-domnyń sany 2370-ke jetti. Onyń ishinde dıagnostıkalyq jáne medısınalyq prosedýralar bar, dep habarlaıdy Egemen.kz.
Ortalyqtyń kardıohırýrgi Asylbek Qonysovtyń aıtýynsha, 1206 dıagnostıkalyq operasııa jasalǵan. Al júrekke jasalǵan ashyq otanyń sany – 227. Sondaı-aq joǵary tehnologııamen, ınvazıvi az ota 937-ni quraǵan.
«Shaǵyn tilik arqyly jasalatyn ota naýqastyń júrek aýrýynan tez saýyǵyp, qalypty ómirge oralýyna múmkindik beredi. Júrek aýrýynyń negizgi sebebi qan tamyrlaryna aqýyz ben maıdyń jınalýynan týyndaıdy. Mundaı derttiń aldyn alý úshin ár adam ýchaskelik dárigerge qaralyp, kardıologtiń keńesine júgingeni jón», deıdi Asylbek Qonysov.