Memlekettik keńesshi Erlan Qarın Islam áleminiń bilim, ǵylym jáne mádenıet uıymynyń (ISESKO) bas dırektory Salım bın Muhammed Ál-Malıkpen kezdesý ótkizdi.
Áńgimelesý barysynda Qazaqstannyń ISESKO-men bilim, ǵylym jáne mádenıet salalaryndaǵy yntymaqtastyǵynyń negizgi baǵyttary talqylandy.
Erlan Qarın dástúrli «Toǵyzqumalaq» oıynynyń Islam álemi muralarynyń tizimine engizilgeni úshin rızashylyq bildirdi. Sondaı-aq Qazaqstannyń «Oıý-órnek», «Qarmaqshy jyraý» sekildi ulttyq atalymdaryn odan ári ilgeriletýdiń mańyzyn atap ótti.
Salım Ál-Malık Qazaqstannyń bastamalaryn joǵary baǵalap, elimiz ISESKO-nyń senimdi seriktesi ekenin, sonymen qatar ózara is-qımyldy nyǵaıtýǵa yqpal etetin jańa ıdeıalarǵa ashyqtyǵyn jetkizdi.
Kezdesý qorytyndysynda taraptar ózara túsinistikti nyǵaıtýǵa baǵyttalǵan yntymaqtastyqty damytýǵa beıil ekenin rastady.