Aldaǵy aılarda №33/34 «Aqtóbe – Almaty» jáne №21/22 «Qyzylorda – Semeı» baǵytyndaǵy poıyzdarda Starlink tehnologııasy arqyly ınternet qoljetimdi bolady. Bul týraly «Jolaýshylar tasymaly» AQ habarlap otyr, dep jazady Egemen.kz.
Starlink ınterneti ornatylǵan poıyz jolaýshylary messendjerler arqyly baılanysý, sapar barysynda qashyqtan jumys isteý, sondaı-aq onlaın-tablo, mýltımedııalyq júıe jáne qolma-qol aqshasyz tólem qyzmeti sııaqty qosymsha servısterdi paıdalana alady.
Buǵan deıin «Astana – Býrabaı kýrorty» baǵyty boıynsha júretin №888/887 «Burabay Express» elektropoıyzyna osyndaı ınternet ornatylǵan. Kompanııanyń málimetinshe, bul quraldyń tıimdiligi dáleldengen. Sondaı-aq, pılottyq rejımde №67/68 «Astana – О́skemen» jáne №3/4 «Astana – Almaty» baǵytyndaǵy «Talgo» poıyzdarynda tómen orbıtaly joǵary jyldamdyqty spýtnıktik ınternetti iske qosylǵan. Búgingi deıin osy úsh baǵytta 100 myńnan astam jolaýshy ınternet qyzmetin paıdalanǵan.