Qazaqstanda alǵashqy atom elektr stansııasyna ataý berý boıynsha jalpyhalyqtyq konkýrs bastaldy, dep jazady Egemen.kz.
Árbir qazaqstandyq óz nusqasyn eGov Mobile mobıldi qosymshasy arqyly usyna alady. Qosymshanyń basty paraqshasynda «AES-ke ataý usynyńyz» banneri ornalastyrylǵan. Sondaı-aq paıdalanýshylarǵa konkýrstyń bastalǵany jóninde push-habarlama jiberiledi.
Uıymdastyrýshylardyń aıtýynsha, bastamanyń negizgi maqsaty – bolashaq stansııaǵa tarıhı, mádenı jáne ulttyq qundylyqtardy aıqyn kórsetetin ataý tańdaý.
Konkýrsqa qatysý úshin qosymshada tildi tańdap, ataý nusqasyn engizý qajet. Qalaǵan jaǵdaıda ataýdyń maǵynasyna qysqasha túsinikteme berýge bolady. Sonymen birge qatysýshy konkýrstyń resmı qaǵıdalarymen tanysqanyn rastaýy tıis.
Usynystardy qabyldaý 2025 jylǵy 10 qazan kúni saǵat 23:59-ǵa deıin jalǵasady. Qaǵıdalarmen Atom energııasy jónindegi agenttiktiń resmı saıtynda jáne vedomstvonyń áleýmettik jelidegi paraqshalarynda tanysýǵa bolady.
Uıymdastyrýshylar barsha azamattardy elimizdiń energetıka salasynyń tarıhyna úles qosyp, Qazaqstannyń alǵashqy atom elektr stansııasyna ataý tańdaýǵa belsendi atsalysýǵa shaqyrdy.