5 qazanda Nıý-Iorktegi Madison Square Garden sahnasynda Dımash Qudaıbergenniń jeke konserti ótip, álemniń túkpir-túkpirinen jınalǵan tyńdarmandar ánshiniń ónerin zor yqylaspen qabyldady, dep habarlaıdy Egemen.kz.
«Myńdaǵan júrek. Bir dem. Bul tún tarıhta da, meniń júregimde de máńgi qalady.Osy armandy menimen bólisken meniń komandama, mýzykanttarǵa, kórermender men osy saparǵa senim artqan árbir janǵa alǵysym sheksiz. Mýzyka bizdi biriktirip, sonyń nátıjesinde Qazaqstannan Amerıkaǵa deıin, júrekten júrekke, jannan janǵa jeteledi», dep jazdy Dımash Nıý-Iorktegi konsertten keıin óziniń Instagram paraqshasynda.
Kesh sońynda ánshi úsh jyldan astam ýaqyt boıy jazylǵan avtorlyq týyndysyn oryndap, tyńdarmanǵa erekshe áser syılady. Bul shyǵarma alǵash ret 2022 jyldyń qyrkúıeginde Almatyda ótken «Stranger» týrynyń ashylý konsertinde shyrqalyp, Dımashtyń turaqty repertýaryna engen.
Konsertten keıin Dımash jankúıerlerine arnaǵan úndeýinde bul tarıhı kesh jaıly «Armandardyń tarıhqa aınalǵan sáti» atty derekti fılm daıyndap jatqanyn málimdedi.