Memlekettik keńesshi Erlan Qarınniń aıtýynsha, el azamattary parlamenttik reformany talqylaý men ony jetildirýge óz úlesin qosa alady, dep habarlaıdy Egemen.kz.
Esterińizge sala keteıik, Prezıdent Jumys tobynyń alǵashqy otyrysynda el azamattarynyń Parlamenttik reformany talqylaýǵa qatysýy mańyzdy ekenin atap ótti.
«Memleket basshysy Jumys tobynyń alǵashqy otyrysynda el azamattarynyń Parlamenttik reformany talqylaýǵa qatysýy mańyzdy ekenin atap ótti. Prezıdenttiń tapsyrmasy boıynsha memlekettik e-Otinish platformasynda jáne eGov servısinde azamattardyń parlamenttik júıeni jetildirý jónindegi usynystaryn jınaý uıymdastyrylady», dedi Erlan Qarın.
Onyń sózinshe, azamattar «Parlamenttik reforma» atty arnaıy bólim arqyly óz usynystaryn joldaı alady.
«Parlamenttik reformany memleket pen qoǵam arasyndaǵy ashyq dıalog arqyly júzege asyrý Memleket basshysynyń «Halyq únine qulaq asatyn memleket» tujyrymdamasynyń qaǵıdattaryna tolyq sáıkes keledi», dep atap ótti Memlekettik keńesshi.