Keshe Úkimet makroekonomıkalyq turaqtylyqty qamtamasyz etý jáne ekonomıkalyq reformalardyń teris saldaryn barynsha azaıtý úshin sharalar qabyldady, dep jazady Egemen.kz.
Sondaı mańyzdy sheshimniń biri ońaılatylǵan deklarasııa negizindegi arnaýly salyq rejımin (ASR) qoldanýǵa qoıylǵan shekteýler tizimi aıtarlyqtaı qysqartylyp, qoldanystaǵy zańnamaǵa sáıkestendirilýi. «Atameken» UKP osy másele boıynsha memlekettik organdarmen dereý dıalog ornatyp, daýly normalardy jan-jaqty pysyqtaý bastamasy kóterilgenin málimdep, tyıym salynǵan qyzmetterdiń tizimi qoldanystaǵy zańnamaǵa sáıkes 44-ke deıin qysqartylǵanyna nazar aýdardy.
«Bul sheshim ońaılatylǵan salyq rejımin qoldaný múmkindigin saqtap qalatyn ondaǵan myń kásipkerge tikeleı áser etedi.Alaıda jumys munymen toqtap qalǵan joq. 2026 jyldyń 1 qańtarynan bastap mıkro jáne shaǵyn bıznes úshin «taza paraqtan» tásilimen salyqtyq ákimshilendirý engiziledi. Ol boıynsha salyqtyq tekserýler men kameraldyq baqylaýdyń tolyq kúshin joıý, mámileler men tirkeýlerdi jaramsyz dep taný týraly sot isterin alyp tastaý, sondaı-aq ósimpul men aıyppuldardy esepten shyǵarý (negizgi qaryzdy 2026 jyldyń 1 sáýirine deıin ótegen jaǵdaıda) kózdelgen», delingen habarlamada.
«Atameken» Ulttyq kásipkerler palatasy ári qaraı da reformalardyń árbir qadamy shynaıy iskerlik tájirıbeni eskere otyryp jasalýy úshin jumysyn jalǵastyra beretinin habarlady.