Túrkistan oblysynda 100 myńǵa jýyq múmkindigi shekteýli jan turady. Bul oblys halqynyń 5%-yn quraıdy. Bul oraıda óńirde múmkindigi shekteýli jandarǵa birneshe ońaltý ortalyǵy áleýmettik qyzmet kórsetip keledi, dep jazady Egemen.kz.
Solardyń biri – Saýran aýdany Oranǵaı aýylynda ornalasqan, 200 oryndyq «Samǵaý» ońaltý ortalyǵynda arnaýly áleýmettik qyzmetterdiń 8 túri kórsetiledi. Respýblıka kúnine jáne ortalyqtyń qurylǵanyna bir jyl tolýyna oraı «О́mirdi súıgen júrekter» taqyrybynda saltanatty is-shara uıymdastyryldy. Sharanyń resmı bóliginde mekeme dırektory Gúlnur Saýrtaeva atqarylǵan jumys barysy týraly baıandady. Sondaı-aq, qonaqtar nazaryna qyzmet alýshylardyń túrli baǵyttaǵy emdik-saýyqtyrý jáne áleýmettik beıimdeý jumystarynyń nátıjeleri arnaıy beınerolık arqyly kórsetildi. Arnaýly áleýmettik qyzmet alýshylar men ortalyq mamandarynyń qatysýymen konserttik baǵdarlama kórermen nazaryna usynyldy. Kópshilik erekshe jandardyń ómirge degen qushtarlyǵyn, jigeri men tabandylyǵyn sezinip ortalyq ujymynyń eńbegine tabys tiledi.
Ortalyq ashylǵan ýaqyttan beri 160 qyzmetker múmkindigi shekteýli jandarǵa ońaltý qyzmetterin kórsetip, olardyń áleýmettik belsendiligin arttyrýǵa baǵyttalǵan keshendi jumystar atqaryp keledi. Bir jyl ishinde 1200-ge jýyq qyzmet alýshy emdik jáne psıhologııalyq ońaltý sharalarynan ótip, ómir sapasyn jaqsartýǵa múmkindik alǵan.
Túrkistan oblysy