Jyl saıyn megapolıs klınıkalarynda 15 myńnan astam shetel azamaty em qabyldaıdy. Eń kóp suranysqa ıe baǵyttar qatarynda kardıohırýrgııa, ortopedııa, onkologııa, reprodýktıvti jáne estetıkalyq medısına bar, dep jazady Egemen.kz.
Búgin Almaty qalalyq Qoǵamdyq densaýlyq saqtaý basqarmasynyń basshysy Marat Pashımov megapolıstegi medısınalyq týrızmniń damý keleshegi men básekelestikke beıimdelý qadamdary týraly aqparat berdi. Qalanyń bas dárigeri Almatyda medısınalyq týrızmdi damytýǵa zor múmkindik bar ekendigin baıandaı otyryp, kóp deńgeıli medısınalyq uıymdarda zamanaýı tehnologııalar qoldanylatyndyǵyn, joǵary sapa standarttary saqtalatyndyǵyna atap ótti. Sonymen qatar, Qazaqstanda emdelý arzan ǵana emes, TMD elderiniń azamattary úshin tildik kedergi joq.«Almaty qazirdiń ózinde kórshiles elderden keletin naýqastar úshin tartymdy baǵytqa aınalyp otyr. Ásirese Reseı, О́zbekstan men Qyrǵyzstannan keletin pasıentterdiń sany turaqty ósip keledi», dedi Marat Pashımov.Medısınalyq týrızmdi damytý maqsatynda qalada aqparattyq-túsindirý jumystary júrgizilip jatyr, saqtandyrý, assıstens sııaqty kompanııalarymen áriptestik nyǵaıyp keledi, onlaın-konsýltasııalar uıymdastyrylyp, sheteldik naýqastardy qabyldaý júıesi jolǵa qoıylǵan.Qazirgi tańda megapolıstegi 25 medısınalyq uıym onkologııa, hırýrgııa, akýsherlik jáne psıhonevrologııa sııaqty túrli baǵyttar boıynsha joǵary tehnologııalyq kómek kórsetedi.Mysaly, 2025 jyldyń tek alǵashqy jartyjyldyǵynda Almaty stasıonarlarynda 178 sheteldik pasıent emdeldi. Olardyń ishinde 81 adam – Reseıden, 25 adam – О́zbekstannan, 24 adam – Qyrǵyzstannan kelgen.Sheteldik pasıentter kóbinese akýsherlik pen bosandyrý isi, onkologııa, hırýrgııa, terapııa, ýrologııa men psıhıatrııa salalarynyń mamandaryna júginedi.Sondaı-aq, Qazaqstan zańnamasyna sáıkes, qandastar, bosqyndar, sheteldikter men basqa elde turaqty turyp jatqan azamattyǵy joq tulǵalar da otandastarymyzben teń dárejede medısınalyq kómek alýǵa quqyly. Bul kómek kepildendirilgen tegin medısınalyq kómek kólemi (KTMKK) jáne mindetti áleýmettik medısınalyq saqtandyrý (MÁMS) júıesi aıasynda kórsetiledi.«Medısınalyq týrızmdi damytý – tek qosymsha tabys kózi ǵana emes, sonymen birge medısınalyq kómektiń sapasyn arttyryp, Almatynyń densaýlyq pen ınnovasııalar salasyndaǵy halyqaralyq bedelin nyǵaıtýǵa múmkindik beredi», deıdi Almaty qalalyq Qoǵamdyq densaýlyq saqtaý basqarmasynyń basshysy Marat Pashımov.