Búgin Saýd Arabııasynyń astanasy Er-Rııadta Islam yntymaqtastyǵy oıyndarynyń alaýy tutanady. Úsh aptaǵa sozylatyn básekeler barysynda 57 memleketten kelgen 3 myńnan asa sportshy óner kórsetedi. Olar sporttyń 19 túrinen saıysqa túsedi.
Parsy shyǵanaǵynda elimizdiń sportshylary kúres, karate, mýaı-taı, taekvondo, aýyr atletıka, djıý-djıtsý, kıbersport, semserlesý, ústel tennısi, gandbol, jeńil atletıka, júzý, penchak sılat syndy sport túrlerinde baq synaıdy. Olardyń qatarynda Rızabek Aıtmuhan, Nurqoja Qaıpanov, Elmıra Syzdyqova, Alan Qurmanǵalıev, Kırıll Gerasımenko sııaqty talaı dúbirli dodalarda top jarǵan sańlaqtar bar.
Esterińizge sala keteıik, jazǵy Islam yntymaqtastyǵy oıyndary osyǵan deıin 2005 jyly Mekkede (Saýd Arabııasy), 2013 jyly Palembangte (Indonezııa), 2017 jyly Bakýde (Ázerbaıjan), 2021 jyly Konıada (Túrkııa) uıymdastyryldy. Sol jarystardyń barlyǵyna da elimizdiń órenderi qatysyp, jalpy alǵanda 134 (42 altyn+36 kúmis+56 qola) júlde jeńip aldy.