Kezdesý barysynda saıası, saýda-ekonomıkalyq, ınvestısııalyq jáne gýmanıtarlyq yqpaldastyqtyń keń kólemdi máseleleri qarastyryldy, dep habarlaıdy Egemen.kz Aqordanyń baspasóz qyzmetine silteme jasap.
Memleketter basshylary Oral qalasynda ótip jatqan XXI Qazaqstan – Reseı óńiraralyq forýmynyń plenarlyq sessııasyna beınebaılanys arqyly qatysyp jatyr
Bıylǵy forýmnyń taqyryby – «Jumysshy mamandyqtary – ekonomıkalyq ósimniń qozǵaýshy kúshi»
Qasym-Jomart Toqaev Forýmǵa eki eldiń nátıjeli strategııalyq seriktestigin aıshyqtaıtyn aıtýly shara retinde baǵa berdi
«Osy biregeı alańda ekonomıkalyq, ınfraqurylymdyq jáne gýmanıtarlyq baǵyttaǵy tyń jobalar dúnıege kelip, keıin óńirlik deńgeıde kezeń-kezeńimen júzege asyrylyp jatady.
Munyń mańyzy zor. О́ıtkeni ekonomıkalyq ósim jáne ónerkásip, ǵylym, bilim, mádenıet salalaryndaǵy yntymaqtastyq eń áýeli óńirlerde qalyptasady», dedi Qasym-Jomart Toqaev.