Túrkistan qalasynyń erekshe mártebe alýyna oraı uıymdastyrylǵan «О́nerli ólke» atty oblystyq festıval qorytyndylanyp, jeńimpazdar anyqtaldy. Oblystyq mádenıet basqarmasynyń uıymdastyrýymen ótken bul aıtýly is-shara mamyr aıynan bastalyp, óńirdiń barlyq aýdan-qalasynan kelgen óner ujymdary ózara synǵa túsken bolatyn.
Túrkistannyń týrıstik áleýetin arttyrý, óńirdegi shyǵarmashylyq ıelerine qoldaý kórsetý maqsatynda, erekshe formatta uıymdastyrylǵan «О́nerli ólke» festıvalinde óner ujymdary ulttyq qundylyqtar men zamanaýı ónerdiń tamasha úılesimin kórsetti. Sonymen qatar aýyldyq mádenıet úıleri men klýbtardyń jumysyn jandandyrý baǵytynda «Aýyl – mádenıettiń bastaýy» baıqaýy uıymdastyrylǵan bolatyn. Úshinshi ret ótken baıqaýǵa 115 aýyldyq mádenıet úıi men klýbtary qatysyp, úzdikteri anyqtaldy.
«О́nerli ólke» festıvalinde qazylar alqasynyń sheshimimen bas júldege ıe bolǵan Báıdibek aýdany men júldeli oryn alǵan Otyrar jáne Maqtaaral aýdany ónerpazdaryna qarjylaı syılyqtar men arnaıy dıplomdar berildi. Sondaı-aq «Aýyl – mádenıettiń bastaýy» aýyldyq mádenıet úıleri men klýbtar arasynda ótken oblystyq baıqaý jeńimpazdary da marapattaldy. Bas júldeni Tólebı aýdany «Zertas» aýyldyq mádenıet úıiniń ujymy ıelendi. Úzdik dep tanylǵan aýyldyq mádenıet úıleri men klýbtaryna arnaıy júldeler men dıplomdar tabystaldy. Saltanatty rásimge qatysqan oblys ákiminiń orynbasary Ertaı Altaev jeńimpaz jáne júldeger aýdan, qala óner ujymdaryn marapattady.
Aıta ketelik, óńirde mádenı ınfraqurylymdy damytý baǵytynda bıyl 4 mádenıet úıi paıdalanýǵa berilse, jyl sońyna deıin 2 mádenıet nysanynyń qurylysy aıaqtalady.
Túrkistan oblysy