Ǵalymdar qarǵanyń oılaý júıesi keıbir maımyldardan da joǵary deńgeıde ekenin dáleldedi. Eń qyzyǵy – qarǵalar adam júzin este saqtap qalady.
Eger bir adam qarǵalarǵa zııan keltirse nemese úrkitse, qus ony jyldar boıy umytpaıdy. Tipti sol aqparatty óz qaýymyndaǵy basqa qarǵalarǵa taratady. Zertteý barysynda bir ǵalym qaýipti maska kıip qustardy úrkitken. Birneshe jyl ótkennen keıin sol maskany taǵy kıgende qarǵalar birden shýlap, aınalyp, eskertý dabylyn jasaǵan. Qyzyǵy, kerisinshe de bolady. Eger adam qusty tamaqtandyrsa, jaqsylyq jasasa qarǵalar ony da tanıdy. Keı aýdandarda qarǵalar tanys adamǵa usaq-túıek, jyltyr zattar ákelip tastaıtyn jaǵdaılar da tirkelgen. Bul – alǵys bildirýdiń erekshe túri.