Qostanaı qalasynda oqýshylar 25 qarashadan bastap osy aptanyń aıaǵyna deıin qashyqtan oqıdy. Bilim ordalarynda JRVI men tumaýdyń órship ketýine baılanysty osyndaı sheshim qabyldanyp otyr, dep jazady Egemen.kz.
Qala mektepteriniń kelesi jetide qalaı jumys isteıtini týraly sheshim osy aptanyń aıaǵyndaǵy jaǵdaıǵa qaraı qabyldanady. Qalalyq bilim bóliminiń málimetinshe, jalpy bilim beretin 37 mektep onlaın oqý tártibine kóshken.
Oblys ortalyǵyndaǵy kolledjderdiń 3 578-i, ıaǵnı 17 paıyzy syrqattanyp qalǵan.
«2 kolledj tolyqtaı qashyqtan oqytý formatyna kóshti. 4 kolledjdiń 17 toby qashyqtan oqyp jatyr», dep habarlady qalalyq bilim bólimi.
Jalpy, sońǵy aptada oblysta JRVI-diń 10 512 jaǵdaıy tirkelgen. О́ńirde 6510 bala tumaýmen aýyryp jatyr.
Qostanaı oblysy