2024 jyldyń 25 jeltoqsanynda Aqtaý mańynda apatqa ushyraǵan AZAL ushaǵyna qatysty tergeý nátıjesi jyl sońyna deıin jarııalanady, dep jazady Egemen.kz.
Bul týraly Úkimet úıinde ótken baspasóz jıynynda Kólik vıse-mınıstri Maqsat Qalıaqparov málimdedi.
Maqsat Qalıaqparov alǵashqy aldyn ala tergeý qorytyndysy úsh aı ishinde jarııalanǵanyn eske salyp, qazir kúrdeli sot-medısınalyq saraptamalar júrgizilip jatqanyn atap ótti.
«Ázerbaıjan ushaǵynyń apatqa ushyraýy kúrdeli tergep-tekserý jumysyn talap etetindikten, naqty myna kúni nátıje jarııalanady dep aıta almaımyn. Bastysy, naqty qorytyndy qolǵa túskende BAQ ókilderine aqparat beriledi», dedi Kólik vıse-mınıstri.
Buǵan deıin BAQ-ta qulaǵan ushaqtyń eksklıýzıv sýretteri jarııalanǵan.
Aıta keteıik, Aqtaý mańynda qulaǵan ushaqta Qazaqstannyń 6 azamaty bolǵan edi. Qazaqstan tarapy apattan kóz jumǵan sheteldikterdiń máıitin Ázerbaıjanǵa jetkizýge qol ushyn sozǵan.