Katonqaraǵaı memlekettik ulttyq tabıǵı parkinde sırek kezdesetin Altaı ulary kameraǵa túsip qaldy, dep jazady Egemen.kz.
Qazaqstannyń Qyzyl Kitabyna engen bul sulý qus Katonqaraǵaı ulttyq parkiniń teńiz deńgeıinen 2000-3500 metr bıiktiktegi tik jartastardyń mańynda mekendeıdi.
Onyń qaýyrsyny taýdyń sur jáne qońyr tastaryna tolyqtaı kamýflıaj bolýǵa beıimdelgen. Bul onyń jyrtqyshtardan jasyrynýyna kómektesedi.
Olar qystyń aıazy men qalyń qaryna qaramastan, tómenge túspeı, tastaǵy múkter men taý ósimdikteriniń tamyrlarymen qorektenip, bıikte qystaıdy.