Májilis depýtaty Ashat Aımaǵambetov shyǵarmashylyq jáne tildik mamandyqtar boıynsha doktorantýraǵa túsý talaptary ózgergenin málimdedi, dep habarlaıdy Egemen.kz.
Onyń aıtýynsha, bul másele depýtattyq saýal arqyly birneshe ret kóterilgen bolatyn.
«Qoldanystaǵy erejelerge sáıkes, mamandyǵyna qaramastan, barlyǵyna aǵylshyn tilin biletinin rastaıtyn sertıfıkat mindetti edi», dep jazdy depýtat.
Depýtattyń sózinshe, ǵylymdaǵy aǵylshyn tiliniń mańyzy zor bolǵanymen, barlyq sala úshin birdeı talap qoıý ádiletsizdikke ákelgen.
«Qazaq fılologııasy nemese mýzyka salasyndaǵy talantty zertteýshiler tek shet tili sertıfıkatynyń joqtyǵynan doktorantýraǵa túse almaı júrgen jaǵdaılardy kórdik», dedi ol.
Ashat Aımaǵambetov bul talaptardyń GPT men Gemini sııaqty zamanaýı quraldar paıda bolǵanǵa deıin oryndy bolǵanyn, alaıda qazir jaǵdaı ózgergenin atap ótti.
Ǵylym jáne joǵary bilim mınıstrligi depýtattyń bastamasyn qoldady. Mınıstrdiń №490 buıryǵymen Úlgilik erejelerge ózgerister engizildi.
«Bul máselege saralanǵan tásil qoldanýdy usyndym, nátıjesinde naqty sheshim qabyldandy», dep jazdy depýtat.
Endi tómendegi bilim berý baǵdarlamalary boıynsha doktorantýraǵa túsý úshin shet tilin meńgergenin rastaıtyn sertıfıkat talap etilmeıdi:
D005 – Dene shynyqtyrý pedagogterin daıarlaý
D006 – Mýzyka pedagogterin daıarlaý
D017 – Qazaq tili men ádebıetiniń pedagogterin daıarlaý
D018 – Orys tili men ádebıetiniń pedagogterin daıarlaý
Sonymen qatar, Ashat Aımaǵambetov doktorantýraǵa qabyldaý kezinde esse ornyna Research Proposal engizýdi usynǵan. Bul usynys ta qoldaý tapqan.
«Úmitkerdiń shynaıy ǵylymı áleýetin baǵalaý úshin zertteý josparyn daıyndaý áldeqaıda tıimdi», dep esepteıdi depýtat.
Mınıstrliktiń málimetinshe, Research Proposal engizý jáne táýelsiz sarapshylardy tartý normasy 2026–2027 oqý jylynan bastap júzege asyrylady.
Degenmen depýtat barlyq usynys birdeı qabyldanbaǵanyn da jasyrmady. Onyń aıtýynsha, Scopus talaptaryn ózgertý, tizimdi ózge shyǵarmashylyq baǵyttarǵa keńeıtý jáne til emtıhanyn tapsyrý merzimin oqý sońyna aýystyrý máseleleri áli de qaralýy tıis.