Aýa raıynyń qolaısyzdyǵynan birneshe tasjolda qozǵalys shekteldi. Osyǵan oraı «Jolaýshylar tasymaly» kompanııasy azamattardyń dittegen jerine aman-esen jetýi úshin 13 qala mańyndaǵy poıyzdy uıymdastyrdy, dep habarlaıdy Egemen.kz.
Aýa raıynyń qolaısyzdyǵyna baılanysty Astana – Qaraǵandy tasjoly shuǵyl jabyldy
Qazirgi tańda kelesi baǵyttar boıynsha qosymsha poıyzdar qatynaıdy: Astana – Pavlodar: №7502, №6832; Pavlodar – Astana: №7501, №7509; Astana – Jaltyr/Atbasar: №6804, №6831; Astana – Kókshetaý: №7515, №6830, №7508, №7516; Astana – Qaraǵandy: №6858, №6856; Qaraǵandy – Astana: №7553. Qaraǵandy oblysynda júzdegen kólik jolda qalyp qoıǵan. Polısııa Qaraǵandydan Temirtaýǵa qaraı 500-ge jýyq avtokólikti, al keri baǵytta 300-400 kólikten turatyn kolonnany bastap keledi.