Germanııanyń batysyndaǵy Gelzenkırhen qalasynda el tarıhyndaǵy eń iri bank tonaýlarynyń biri tirkeldi. Qaraqshylar bank qoımasynyń qabyrǵasyn buzyp kirip, shamamen 3200 seıftegi aqsha men qymbat zattardy alyp ketken. Aldyn ala esep boıynsha shyǵyn kólemi 10 mln eýrodan 90 mln eýroǵa deıin jetýi múmkin, dep habarlaıdy Egemen.kz.
DW málimetinshe, qylmys Sparkasse bankiniń bólimshesinde bolǵan. Qaraqshylar bank seıfteri turǵan bólme men avtoturaqtyń arasyndaǵy beton qabyrǵany burǵylap tesip ótken. Bul aqparatty polısııa 30 jeltoqsanda resmı túrde habarlady.
Polısııa qaraqshylardyń áreketin kásibı deńgeıde uıymdastyrylǵan dep baǵalap otyr. Kýágerler 28 jeltoqsan kúni keshke avtoturaqta úlken sómkeler kóterip júrgen er adamdardy kórgen. Al 29 jeltoqsan kúni tańerteń beınebaqylaý kameralary avtoturaqtan qara tústi Audi RS 6 kóliginiń shyqqanyn tirkegen. Kóliktiń nómiri buǵan deıin Gannoverde urlanǵan bolyp shyqty.
DPA dereginshe, seıfterden qolma qol aqsha, altyn jáne zergerlik buıymdar alynǵan. Al Associated Press shyǵyn kólemi 10 mln eýro men 90 mln eýro aralyǵynda bolýy múmkin ekenin habarlady.
Sparkasse bankiniń aıtýynsha, árbir seıf 10 300 eýroǵa deıin saqtandyrylǵan. Soǵan qaramastan bank aldyna 29 jáne 30 jeltoqsanda narazy klıentter jınalǵan. Olardyń sózinshe, joǵalǵan múliktiń quny saqtandyrý somasynan áldeqaıda joǵary. Jalpy alǵanda bul oqıǵadan shamamen 2700 adam zardap shekken.