Jedel-izdestirý is-sharalary barysynda Qaraǵandy oblysynyń krımınaldyq polısııa qyzmetkerleri Ishki ister mınıstrliginiń úılestirýimen aqbókenderdiń derıvattaryn odan ári ótkizý maqsatynda olardy zańsyz aýlaýmen aınalysqan úsh adamnan turatyn brakonerlik qylmystyq topty ustady, dep habarlaıdy Egemen.kz.
Ustalǵandardan jalpy salmaǵy shamamen 400 kelini quraıtyn 1 127 aqbóken múıizi, sondaı-aq eki tegis uńǵyly myltyq tárkilendi.
Kúdiktilerdi jáne olardyń baılanystaryn odan ári tekserý barysynda ótken jyldyń 24 jeltoqsanynda Pavlodar oblysynda Reseı Federasııasymen memlekettik shekarada eki adamnan turatyn brakonerlerdiń ekinshi toby ustaldy. Olardyń biri — shetel azamaty. Atalǵan tulǵalar memlekettik shekara arqyly shamamen 2 myń (1 882) aqbóken múıizin kontrabandalyq jolmen alyp ótpek bolǵan. Zańsyz júk kóliginiń arnaıy jabdyqtalǵan jasyryn ornyna aldyn ala jasyrylǵan.
Atalǵan faktiler boıynsha qylmystyq is qozǵalyp, sotqa deıingi tergep-tekserý júrgizilýde.