“QARAО́TKEL – 2010” JÁRMEŃKESI О́TEDI

Keshe Aýyl sharýashylyǵy mı­nıstriniń orynbasary Arman Evnıev pen “Qazagromarketıng” AQ basqarma tóraǵasynyń oryn­ba­sary Nurlan Muhamedjanovtyń qaty­sýy­men Qazaqstan agro­óner­ká­sip kesheni jetistikteriniń “Qara­ót­kel ­2010” jármeńkesi jáne I ha­lyq­ara­lyq mal sharýashylyǵy fo­rýmynyń jumysyn túsindirý maq­sa­tynda bas­pasóz máslıhaty bolyp ótti. Onda atalǵan jármeńke 2010 jylǵy 31 shildeden 1 tamyzǵa deıin “METRO” kóterme saýda ortalyǵy­nyń ma­ńyn­da ótetindigi belgili boldy. Jyl saıyn jármeńkeniń qaty­­sýshylar sany kóbeıýde. Máselen, 2006 jyly olardyń sany 100-ge ǵana jetse, al 2008 jyly 200 kom­panııa qatysqan edi. Bıyl atalmysh jármeńkege 300 kompanııa qatysýǵa tilek bildiripti. Sondaı-aq, bıyl “Qaraótkel 2010” jármeńkesi aıasynda alǵash ret 30 shildede “RIXOS President Astana” qonaqúıinde Qazaqstan, Re­seı, Be­larýs, Eýropa jáne Ka­nada elde­riniń jetekshi et jáne sút ónimderi óndirýshileriniń qatysýy­men “Kaz­Meat&Milk 2010” atty I halyq­ara­lyq mal sharýashylyǵy forýmy ótedi. Jármeńke qatysýshylary ara­synda óz sektorynyń eń úzdigin tabý maqsatynda baıqaý uıym­das­tyrylýda. Baıqaýda utqandar ha­lyqaralyq kórmelerde qazaq­stan­dyq delegasııanyń quramynda elimizdi tanystyrýǵa múmkindik alady. Jármeńkede júzden júırik shyqqan eń úzdikter “Qaraótkel 2010” atty altyn medaldarmen marapattalady. Sonymen birge, jár­meńkege qatysýshylarǵa óz óniminiń kóp bóligin saqtaýy úshin muzdatqysh jabdyqtar tapsy­ry­la­dy, dep habar­lady Aýyl sharýa­shylyǵy mınıstr­liginiń baspasóz qyzmeti.