Abaı oblysy, Besqaraǵaı aýdanyna qarasty Jetijar aýyldyq okrýginde ornalasqan Lesnoe aýyly alkogol ónimderin tutynýdan tolyqtaı bas tartty, dep jazady Egemen.kz.
Aýylda 170 turǵyn, 34 aýla bar. Atalǵan bastamany Jetijar aýyldyq okrýgine jaýapty Besqaraǵaı aýdany polısııa bóliminiń qoǵamdyq qaýipsizdik bólimshesiniń ýchaskelik polısııa ınspektory Murat Shakımuratov kóterip, aýyl aqsaqaldary, qoǵamdyq keńes músheleri jáne belsendi turǵyndar tolyq qoldaǵan.
Qosshy qalasynyń kásipkerleri alkogol satýdan bas tartty
Alkogol ónimderin tutynýdan bas tartý aýyldaǵy qoǵamdyq jaǵdaıǵa oń yqpal etken. Turǵyndarmen ózara is-qımyl júıelenip, balalar men jastardyń tárbıesine erekshe kóńil bólinip, olardyń bos ýaqytyn tıimdi uıymdastyrý baǵytynda júıeli jumystar júrgizilip jatyr.
«Lesnoe aýylynyń turǵyndary kórsetken bul birlik pen sanaly tańdaý – quqyq buzýshylyqtyń aldyn alýdaǵy eń tıimdi jol. Halyq pen polısııa arasyndaǵy ózara senim men yntymaqtastyqtyń arqasynda ǵana osyndaı nátıjege qol jetkizip otyrmyz. Bul bastama ózge aýyldarǵa da úlgi bolady dep senemin», dedi Murat Shakımuratov.
Buǵan deıin Qostanaı, Aqmola, Qaraǵandy oblysyndaǵy birneshe aýyl ishimdikten bas tartqanyn habarlaǵanbyz.
Endi alkogol jumys ýaqyty shekteýli arnaıy dúkenderde ǵana satylýy múmkin