2026 jylǵy 1 qańtardan bastap Qazaqstanda mindetti áleýmettik medısınalyq saqtandyrý (MÁMS) paketi keńeıtildi. Bul týraly Áleýmettik medısınalyq saqtandyrý qorynyń (ÁMSQ) derekterinde aıtyldy, dep habarlaıdy Egemen.kz.
Jańartylǵan tizimge birqatar sozylmaly aýrýlar, sonyń ishinde – qant dıabeti, balalar serebraldy sal aýrýy (DSP), revmatızm, dáneker tinderdiń júıeli aýrýlary engizildi.
Sonymen qatar, onkologııalyq skrınıngter endi saqtandyrý mártebesine qaramastan barlyq azamattar úshin qoljetimdi bolady.
Al 11 áleýmettik mańyzy bar aýrý, onyń ishinde týberkýlez, AITV, onkologııalyq aýrýlar, ınsýlt pen ınfarkt burynǵydaı Tegin medısınalyq kómektiń kepildendirilgen kólemi (TMKKK) sheńberinde qarjylandyrylady.
Búginde 12 mıllıonnan astam adam jeńildik sanatyna kiredi, olardyń jarnalaryn memleket tóleıdi. Sonymen qatar, shamamen 1 mln azamat jergilikti bıýdjet esebinen saqtandyrylady.
Juldyz Danbaeva: MÁMS-ke az aqsha tólep, medısınalyq kómektiń sapasy sheteldegideı bolǵanyn qalaımyz
MÁMS mártebesin eGov portaly, ÁMSQ saıty nemese SaqtandyryBot Telegram-boty arqyly tekserýge bolady.
1 qańtardan bastap MÁMS júıesine birqatar ózgeris engiziledi