Jambyl oblystyq kámeletke tolmaǵandar isi jónindegi mamandandyrylǵan aýdanaralyq soty oqýshylar arasynda oryn alǵan qaıǵyly oqıǵaǵa qatysty úkim shyǵardy dep habarlaıdy Egemen.kz.
Is materıaldaryna saı Tarazdaǵy mektepterdiń birinde 9-synyp oqıtyn kámeletke tolmaǵan R. esimdi azamat qatarlasy A. esimdi azamatpen janjaldasyp, qurdasyna kúsh qoldanǵan. Nátıjesinde ol moıyn jaraqatynan oqıǵa ornynda kóz jumǵan edi.
Sotta aıyptalýshynyń kinási kýálardyń aıǵaqtarymen, sot-medısınalyq saraptamalardyń qorytyndylarymen jáne zattaı dáleldemelermen dáleldendi. Sottalýshy kinásin ishinara moıyndaǵan.
Memlekettik aıyptaýshy sottan jasóspirimge 6 jyl 8 aı merzimge bas bostandyǵynan aıyrý jazasyn taǵaıyndaýdy surady. Al marqumnyń jaqyndary moraldyq zııandy óteýdi talap etti.
Besterektegi tórt balanyń ólimine sebepker bolǵan júrgizýshi 9 jylǵa sottaldy
Sot jaza taǵaıyndaý kezinde sottalýshynyń kámeletke tolmaǵanyn, istegen áreketine ókinetinin jáne jaǵymdy minezdemelerin eskerip, jeńildetetin mán-jaılar retinde tanydy. Aýyrlatatyn mán-jaılar anyqtalǵan joq.
Qoldanystaǵy zańnamaǵa sáıkes, mundaı qylmys úshin 8 jyldan 12 jylǵa deıin bas bostandyǵynan aıyrý jazasy kózdelgen. Alaıda kámeletke tolmaǵandarǵa qatysty arnaıy normalar qoldanylyp, jaza eń tómengi shekte belgilendi.
Sot úkimimen R. kináli dep tanylyp, 6 jyl 8 aı merzimge bas bostandyǵynan aıyryldy. Sonymen qatar, sot sottalýshynyń zańdy ókilderinen jábirlenýshi taraptyń paıdasyna 10 mıllıon teńge kóleminde moraldyq zııan óndirýdi mindettedi.Úkim ázirge zańdy kúshine engen joq.
Atyraýda áıelin óltirgen kúdikti 10 jylǵa sottaldy