Elimizde zeınetaqy jınaqtaryn turǵyn úı jaǵdaıyn jaqsartýǵa paıdalaný tártibi jańartyldy. Tıisti buıryqqa О́nerkásip jáne qurylys mınıstriniń mindetin atqarýshy 2026 jylǵy 13 qańtarda qol qoıdy, dep habarlaıdy Egemen.kz.
Jańa qaǵıdalarǵa sáıkes, 2026 jylǵy 1 qańtardan bastap azamattar arnaıy shot ashqannan keıin turǵyn úı jaǵdaıyn jaqsartýǵa arnalǵan birjolǵy zeınetaqy tólemin alý úshin elektrondy ótinish beredi. О́tinishte arnaıy shottyń nómiri, qarajatty paıdalaný maqsaty jáne qoljetimdi soma kórsetilip, elektrondy sıfrlyq qoltańbamen rastalady.
Zeınetaqy jınaǵyn qalyptastyrý ne úshin mańyzdy?
Endi ótinishte jeke tabys salyǵyn ustap qalý jáne aýdarý tásilderin kórsetý talap etilmeıdi.
Jańartylǵan talaptarǵa sáıkes, birjolǵy zeınetaqy tólemderin ıpotekalyq qaryzdyń negizgi qaryzyn tolyq nemese ishinara óteýge, sondaı-aq bir bank qaryzy sheńberinde jóndeý jumystaryn júrgizýge paıdalanýǵa bolady. Sonymen qatar, turǵyn úı qurylys jınaqtary júıesi arqyly jeke turǵyn úı salýǵa nemese jeke turǵyn úı qurylysy men jeke qosalqy sharýashylyqqa arnalǵan jer telimin satyp alýǵa ruqsat etiledi.
Zeınetaqy jınaǵy esebinen emdelý múmkindigi qashan qaıta beriledi?
Sondaı-aq birjolǵy zeınetaqy tólemderimen tolyqtyrylǵan turǵyn úı qurylys jınaqtary týraly shart boıynsha quqyqtardy jubaıyna nemese jaqyn týystaryna berý múmkindigi saqtalady. Alaıda bul quqyqtardy úshinshi tulǵalarǵa qaıta berýge jol berilmeıdi.
Eger belgilengen merzimde rastaıtyn qujattar usynylmasa, paıdalanylmaǵan qarajat ótinish berýshiniń BJZQ-daǵy zeınetaqy shotyna qaıtarylady. Qate qaıtarylǵan somalar belgilengen tártippen qaıta aýdarylady.
2026 jyly zeınetaqy jınaǵynyń shegi ózgeredi
Atalǵan buıryq 2026 jylǵy 31 qańtardan bastap kúshine enedi, al keıbir normalar 2026 jylǵy 1 qańtardan bastap qoldanyla bastady.