Qazaqstan men Qytaı elimizdiń sý sharýashylyǵy salasyna jumysshy kadrlar daıarlaıtyn birlesken kolledj qurýǵa baǵyttalǵan josparlardy pysyqtady, dep jazady Egemen.kz.
Atap aıtqanda, kolledjdi qurýdyń uıymdastyrýshylyq-quqyqtyq modelin ázirleý, sý sharýashylyǵy salasynyń qajettilikterin eskere otyryp, basym baǵyttaǵy mamandyqtar boıynsha bilim berý baǵdarlamalaryn daıyndaý jáne kelisý kózdelgen.
Sondaı-aq sý sharýashylyǵy obektilerinde óndiristik tájirıbeden ótip, dýaldy oqytýdy engizý jáne oqý josparlaryn, zerthanalyq bazany jáne biliktilikti arttyrý baǵdarlamalaryn ázirleýge qytaılyq seriktesterdi tartý josparlanǵan. Budan bólek, bilim alýshylardyń akademııalyq utqyrlyǵyn uıymdastyrý, onyń ishinde qysqamerzimdi taǵylymdamalar men oqý modýlderin ótkizý, túlekterdiń biliktiligin taný jáne olardy sý sharýashylyǵy salasyndaǵy uıymdarǵa odan ári jumysqa ornalastyrý máselelerin pysyqtaý qarastyrylǵan.
Almaty oblysynyń kolledjderi Qytaı, Eýropa jáne Azııa elderimen yntymaqtastyq ornatty
«Bul jobany iske asyrý qytaı tarapynyń qarajaty esebinen júzege asyrylady. Kolledj bilikti jumysshy kadrlar men orta býyn mamandaryn daıarlaýǵa múmkindik beredi. Sonymen qatar qytaılyq seriktestermen birlesip, qazir jumys istep júrgen mamandardyń biliktiligin arttyrý jumystary da qolǵa alynǵan. Bıyl Power China kompanııasynyń esebinen Qytaıǵa oqýǵa 200 adam jiberiledi. Byltyr kórshi elde sý sharýashylyǵy salasyndaǵy 125 mamanymyz bilimin jetildirgen», dedi Sý resýrstary jáne ırrıgasııa mınıstrliginiń Ǵylym jáne ınnovasııalyq tehnologııalar departamentiniń dırektory Lázzat Júsipova. Aıta keteıik, Qytaı Halyq Respýblıkasy el azamattary úshin 73 bilim granty bólingenin de habarlady. Bilim grantynyń ıegerleri tegin jataqhana jáne shákirtaqymen qamtylady. Qaraǵandy – Qytaı arasyn jalǵaıtyn kópir