Áleýmettik jelilerde, ásirese Threads platformasynda, «jar izdeımin», «kúıeý izdeımin», «baıypty qarym-qatynas izdep júrmin» degen tanysýǵa shaqyratyn jazbalar jıilep ketti. Mundaı posttardyń artynda naqty adamdar da, alaıaqtar da bolýy múmkin, dep habarlaıdy Egemen.kz.
Polisia.kz-tiń jazýynsha alaıaqtar kóbine ózin tartymdy jigit nemese qyz retinde tanystyryp, belsendi túrde hat almasady, nazar aýdaryp, tez arada senimge kiredi. Ýaqyt óte áńgime qarjylaı kómek suraýǵa ulasýy múmkin.
Alaıaqtyqtyń bul shemasy kezeń-kezeńimen damıdy.
- Olar aldymen belsendi qarym-qatynas ornatyp, emosıonaldyq jaqyndyq qalyptastyrady.
- Qıyn ómirlik jaǵdaı, aýrý, shuǵyl shyǵyndar nemese tıimdi ınvestısııalar týraly áńgimelesedi.
- Sheteldik krıptoámııandarǵa nemese úshinshi tulǵalar arqyly aqsha aýdarýdy suraıdy.
- Qarajatty alǵannan keıin baılanysyn úzedi nemese nómirdi buǵattap tastaıdy.
Eger áńgimelesýshi aqsha aýdarýdy surasa, beıneqońyraýdan jáne jeke kezdesýden jaltarsa, basqa adamdarǵa tıesili bolýy múmkin fotosýretterdi qoldansa, saq bolǵan jón.
Almatyda alaıaqtyqqa qatysy bar 17,6 myń ınternet-resýrs buǵattaldy
Sondyqtan ınternet arqyly tanysqan adamdarǵa aqsha men jeke derekterdi berýge bolmaıdy.Jeke fotosýretterdi jibermeý, kúmándi siltemelerge ótpeý, áńgimelesýshiniń profıli men aqparatyn tekserý jáne kúdik týyndasa, qarym-qatynasty toqtatý qajet.
Alaıaqtardyń aılasy ózgerdi: Endi aqshany «kýrer» bolyp alyp ketedi
IIM-niń Kıberqylmysqa qarsy is-qımyl departamenti azamattardy onlaın tanysý kezinde muqııat bolýǵa jáne zańsyz áreketter faktileri týraly habarlaýǵa shaqyrady.
Polısııa deregi: Alaıaqtardyń arbaýyna kóbinde kimder ilinedi?