2025 jyly memleket múgedektigi bar azamattar men asyraýshysynan aıyrylǵan otbasylardy áleýmettik qoldaýǵa qomaqty qarjy bóldi. Jyl qorytyndysy boıynsha bul maqsatqa jalpy 746 mlrd teńgege jýyq qarajat jumsalyp, áleýmettik qorǵaý júıesiniń aýqymy men mańyzy aıqyn kórindi, dep habarlaıdy Egemen.kz.
О́tken jyly múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylardy tóleýge respýblıkalyq bıýdjetten 655,7 mlrd teńge baǵyttaldy. Buǵan qosa, Memlekettik áleýmettik saqtandyrý qorynan eńbekke qabilettiliginen aıyrylý jáne asyraýshysynan aıyrylý boıynsha shamamen 90,3 mlrd teńge kóleminde áleýmettik tólemder júzege asyryldy.
Resmı derekterge sáıkes, 2025 jyldyń qorytyndysynda múgedektigi boıynsha memlekettik áleýmettik járdemaqy alýshylar sany 553,9 myń adamǵa jetse, asyraýshysynan aıyrylý jaǵdaıy boıynsha járdemaqy alǵandar sany 191,9 myń adamdy qurady.
Qazaqstanda áleýmettik tólemderge 6 trıllıon teńge bólinedi
Járdemaqy mólsheri qalaı esepteledi?Múgedektigi boıynsha memlekettik áleýmettik járdemaqylardyń mólsheri múgedektiktiń toby men sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilengen eń tómen kúnkóris deńgeıine baılanysty aıqyndalady.
Al asyraýshysynan aıyrylý jaǵdaıy boıynsha járdemaqy kólemi qaıtys bolǵan asyraýshynyń asyraýyndaǵy adamdardyń sanyna, qaıtys bolý sebepterine jáne eń tómen kúnkóris deńgeıine qaraı belgilenedi.
Áleýmettik tólemder mólsheri artty
Mindetti áleýmettik saqtandyrý júıesiniń róliMindetti áleýmettik saqtandyrý júıesine qatysýshylar úshin de qosymsha qoldaý tetikteri qarastyrylǵan. Áleýmettik táýekelder týyndaǵan jaǵdaıda Memlekettik áleýmettik saqtandyrý qorynan tólemder júzege asyrylady. 2025 jyly 101,3 myń adam eńbekke qabilettiliginen aıyrylý boıynsha, al shamamen 68,6 myń otbasy asyraýshysynan aıyrylý boıynsha áleýmettik tólem aldy.
Bul tólemderdiń mólsheri ár azamat úshin jeke esepteledi. Ol sońǵy eki jyldaǵy áleýmettik aýdarymdar júrgizilgen ortasha aılyq tabysqa, eńbekke qabilettiliginen aıyrylý koeffısıentterine, asyraýyndaǵy adamdar sanyna, mindetti áleýmettik saqtandyrý júıesine qatysý ótiline jáne tabysty aýystyrý deńgeıine baılanysty. Atalǵan tólemder respýblıkalyq bıýdjetten tólenetin járdemaqylarǵa qosymsha retinde beriledi.
2026 jyldan bastap ósim barMemlekettik qoldaý kólemi aldaǵy kezeńde de ulǵaıa tústi. Eń tómen kúnkóris deńgeıiniń ósýine baılanysty 2026 jylǵy 1 qańtardan bastap múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylar 10 %-ǵa artty. Úkimet sheshimimen Memlekettik áleýmettik saqtandyrý qorynan tólenetin eńbekke qabilettiliginen aıyrylý jáne asyraýshysynan aıyrylý boıynsha tólemder de 10 %-ǵa kóbeıtildi.
Nátıjesinde, bıyl jalpy aýrý saldarynan múgedektigi bar azamattarǵa arnalǵan memlekettik áleýmettik járdemaqy mólsheri 1-top úshin 111 872 teńgeni, 2-top úshin 89 498 teńgeni, 3-top úshin 61 021 teńgeni quraıdy.
Al 2026 jylǵy 1 qańtardaǵy jaǵdaı boıynsha eńbekke qabilettiliginen aıyrylý boıynsha áleýmettik tólemderdiń ortasha mólsheri 72 409 teńge bolsa, asyraýshysynan aıyrylý boıynsha ortasha tólem 73 306 teńgege jetti.
Bul derekter memleket úshin áleýmettik ádilet pen azamattardyń ál-aýqatyn qamtamasyz etý basty basymdyqtardyń biri bolyp qala beretinin ańǵartady.
1 qańtardan bastap áleýmettik tólemder men salyq júıesi ózgerdi