Búgin Konstıtýsııalyq komıssııanyń kezekti otyrysynda Konstıtýsııalyq sot tóraǵasynyń orynbasary Baqyt Nurmuhanov Ata zańǵa engiziletin ózgeristerdiń jıyntyq jobasyn tanystyrdy, dep jazady Egemen.kz.
Bul qujat azamattardan, saıası partııalardan, qoǵamdyq uıymdardan jáne sarapshylardan túsken barlyq usynystyń negizinde ázirlendi.
Baqyt Nurmuhanovtyń aıtýynsha, jańartylǵan Konstıtýsııa jobasynda Preambýla, 11 bólim jáne 104 bap bar. «Halyq keńesi» jáne «Konstıtýsııaǵa ózgerister men tolyqtyrýlar engizý» atty eki jańa bólim engizilgen. Taǵy 4 bólimniń ataýy ózgerdi.
О́zgerister men tolyqtyrýlar Ata zańnyń barlyq bólimderin qamtyp, 77 bapqa túzetýler engizildi. Bul Konstıtýsııa mátininiń 84%-yn quraıdy.
B.Altynbekov: Konstıtýsııalyq reforma – damýdyń jańa baǵytyn tańdaý
«Usynylǵan ózgerister mańyzdy ári aqylǵa muqııat salynǵan qadam, olar tujyrymdamalyq tásilderdi ózgertip, quqyqtyq dáldikti nyǵaıtyp, Konstıtýsııanyń sapasyn arttyrady», dedi Konstıtýsııalyq komıssııanyń múshesi. Jıyntyq joba bilikti zańgerler men lıngvısterden quralǵan jumys toptarynda qatar pysyqtalyp jatyr. Baqyt Nurmuhanovtyń aıtýynsha, mamandar Konstıtýsııanyń normalaryn durys jazý, maǵynalyq sáıkessizdikter men qarama-qaıshylyqtardy, sondaı-aq túsiniksiz tustardyń aldyn alý boıynsha aýqymdy jumys atqardy. Jıyntyq jobada usynylǵan novellalar Qazaqstannyń konstıtýsııalyq negizderin qamtyp, onyń kelbetin túbegeıli ózgertedi. Bul túzetýler kózdelgen ınstıtýsıonaldyq jáne qurylymdyq reformalar úshin úlken áleýetke ıe. «Adam men azamattyń konstıtýsııalyq quqyqtary men bostandyqtaryn júzege asyrý jáne qorǵaý kepildikteri kúsheıtilip jatyr. Prezıdenttik basqarý formasyn saqtaı otyryp, memlekettik bılik qurylymy aıtarlyqtaı ózgeredi», dep málimdedi Konstıtýsııalyq sot tóraǵasynyń orynbasary.Sonymen qatar ol negizgi ózgeristerdi de atap ótti: jańa bir palataly Parlament modeli engiziledi, azamattardyń memlekettik basqarýǵa qatysý múmkindikteri keńeıedi, Konstıtýsııalyq sottyń quqyq qorǵaý tetikteri men Ata zań negizinde quqyq ústemdigin qamtamasyz etý boıynsha qyzmetiniń tıimdiligi artady.
Ashat Rahımjanov: Konstıtýsııalyq reforma – bul qoǵamnyń naqty suranystaryna jaýap
Baqyt Nurmuhanovtyń habarlaýynsha, konstıtýsııalyq novellalar memleket mıssııasyn, onyń fýnksııalarynyń mazmunyn, memlekettik organdar, qoǵamdyq uıymdar men azamattar arasyndaǵy ózara qarym-qatynas qaǵıdattaryn jańa qyrynan túsinýge múmkindik beredi, azamattyq qoǵam ınstıtýttaryn memlekettik mańyzy bar máselelerdi sheshýge keńinen tartýǵa jol ashady.
«Bul Konstıtýsııa mazmunynyń jańarýy men túbegeıli ózgerýi týraly aıtýǵa múmkindik beredi», dep atap ótti ol. Konstıtýsııalyq reforma: Ata zańnyń qaı baptary qaıta qaralady?