Premer-mınıstrdiń birinshi orynbasary Roman Sklıar «Shevron» korporasııasy Eýrazııa bólimshesiniń basqarýshy dırektory Derek Magnesspen kezdesý ótkizdi. Jıynǵa energetıka mınıstri Erlan Aqkenjenov jáne «QazMunaıGaz» UK» AQ basqarma tóraǵasy Ashat Hasenov te qatysty, dep jazady Egemen.kz.
Kezdesý barysynda taraptar munaı-gaz salasyndaǵy ekijaqty yntymaqtastyqtyń qazirgi jaǵdaıy men keleshegin talqylady. Kelissózder kezinde Teńiz jobasyna erekshe nazar aýdaryldy.
О́z kezeginde Derek Magness Qazaqstandaǵy ınvestısııalyq ahýaldyń arqasynda Teńiz jobasy boıynsha mańyzdy óndiristik kórsetkishterge qol jetkizilgenin atap ótti. «Shevron» ókili retteýshi ortanyń boljamdylyǵyn jáne memlekettik organdarmen konstrýktıvti is-qımyldy erekshe atap ótip, bul uzaqmerzimdi ınvestısııalar úshin qolaıly jaǵdaı jasaıtynyn jetkizdi.
Sonymen qatar Roman Sklıar Teńiz kenishinde óndiristiń ýaqytsha toqtap qalýyna sebep bolǵan oqıǵalarǵa baılanysty alańdaýshylyq bildirdi.
Teńiz kenishindegi órt: Mınıstr óndiris qashan qaıta jandanatynyn aıtty
«Shevron» basshylyǵy oqıǵalardyń saldaryn joıý jáne munaı óndirýdi kezeń-kezeńimen arttyrý boıynsha qabyldanǵan sharalar týraly habardar etti. Sondaı-aq «Shevron» basshylyǵy bolashaqta mundaı jaǵdaılarǵa jol bermeý jáne nysandardyń senimdi ári qaýipsiz jumysyn qamtamasyz etý boıynsha naqty is-qımyldar jasalatynyna senim bildirdi.
«Teńiz» ken ornynda munaı óndirý qaıta jandandy
Budan bólek, kezdesýde geologııalyq barlaý jumystaryn damytý máseleleri talqylandy. «Shevron» kompanııasy birqatar geologııalyq barlaý jobasyna qyzyǵýshylyq tanytatynyn málimdedi.
Kezdesý sońynda taraptar uzaqmerzimdi jáne ózara tıimdi yntymaqtastyqty odan ary damytýǵa beıildilikterin, sondaı-aq ózara is-qımyldyń barlyq baǵyty boıynsha syndarly dıalogke daıyn ekenin jetkizdi.
Aıta keteıik, Teńiz kenishinde óndiristiń ýaqytsha toqtaýy «qara altyn» baǵasynyń qymbattaýyna áser etti.