Bıyl Jambyl oblysynda óńirlik jumyspen qamtý kartasy aıasynda 42 875 jumys ornyn qurý josparlanyp otyr, dep jazady Egemen.kz.
Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Erkin Kelesov málimdedi.
О́tken jyly atalǵan karta aıasynda 65 647 jańa jumys ornyn ashý kózdelip, jyl qorytyndysy boıynsha 73 811 jumys orny quryldy. Nátıjesinde jospar 112,4 paıyzǵa oryndalǵan. Al bıylǵy jospar 42 875 jumys ornyn quraıdy.
Jambyl oblysynda úsh aýysymdy mektep máselesi sheshildi
Memleket basshysynyń «10 myń turǵynǵa 100 jumys orny» tapsyrmasyna sáıkes 20 475 jumys orny ashylyp, belgilengen jospar (12 534) artyǵymen oryndaldy. Bıyl bul baǵytta 6 750 jumys ornyn ashý josparlanyp otyr.
«О́tken jyly jumyspen qamtýdyń belsendi sharalaryna 18 056 adam tartyldy. 1000-nan asa adamǵa qaıtarymsyz grant berildi. Bıyl bul kórsetkish 8 865 adamdy qurap otyr. Elektrondy eńbek bırjasy arqyly jumys berýshiler usynǵan bos jumys oryndaryna 31 303 adam jumysqa ornalastyryldy. Osy jyly 26 522 adamdy eńbekpen qamtý josparlanǵan», dedi basqarma basshysy.
Bıyl Jambyl oblysynda 13 sport kesheni ashylady
Ulttyq jobalar men salalyq tujyrymdamalar aıasynda 3 977 jumys orny qurylǵan bolatyn.
«Taraz» premer-lıgaǵa qashan oralady?