Qasym-Jomart Toqaev Konstıtýsııalyq komıssııa tóraǵasy – Konstıtýsııalyq sot tóraǵasy Elvıra Ázimovany, Konstıtýsııalyq komıssııa tóraǵasynyń orynbasary – Memlekettik keńesshi Erlan Qarındi jáne Konstıtýsııalyq komıssııa múshesi – Prezıdenttiń quqyqtyq máseleler jónindegi kómekshisi Erjan Jıenbaevty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Elvıra Ázimova Komıssııanyń osyǵan deıin ótken otyrystaryndaǵy talqylaý barysynda Konstıtýsııanyń túbegeıli jańa mátini ázirlengenin baıandady.
Komıssııa músheleri jańa preambýlanyń, birqatar baptar men bólimderdiń mazmuny tutas konstıtýsııalyq modeldi aıtarlyqtaı jańǵyrtýǵa, saıası jáne qoǵamdyq ınstıtýttardy jetildirýge, azamattardyń quqyqtary men bostandyqtaryn qorǵaý tetikterin kúsheıtýge negiz bolatynyn atap ótti.
Osyǵan baılanysty Komıssııa músheleri atalǵan jobany Konstıtýsııanyń jańa nusqasy retinde qarastyrý jáne ony halyqtyń nazaryna usyný úshin jarııalaý qajet ekenin jetkizdi.
Jańa Konstıtýsııa jobasynyń mátini qaıda jarııalanady?
О́z kezeginde Konstıtýsııalyq komıssııa jańa Ata Zańnyń jobasy boıynsha jumystardy jalǵastyra beredi.
Prezıdenttiń pikirinshe, Konstıtýsııalyq komıssııa aýqymdy jumys atqarǵan. Memleket basshysy Konstıtýsııanyń jańa nusqasyn halyqtyń qaraýyna shyǵarý mańyzdy ekenin aıtty.
Jańa Konstıtýsııa saıası júıeni qalaı ózgertedi?
Kezdesý sońynda Prezıdent jańa Konstıtýsııa týraly túpkilikti sheshimdi qazaqstandyqtar respýblıkalyq referendýmda qabyldaıtynyn taǵy da atap ótti.
Konstıtýsııalyq reforma: Jańa onynshy bólimde ne jazylǵan?