2026 jylǵy 6 qańtarda Qazaqstannyń 16 oblysynda daýyldy eskertý jarııalandy, dep habarlaıdy Egemen.kz «Qazgıdromet» RMK baspasóz qyzmetine silteme jasap.
Túrkistan oblysynda ońtústik-batystan soǵatyn jeldiń jyldamdyǵy sekýndyna 15-20 metr, oblystyń soltústiginde jáne taýly aýdandarynda sekýndyna 23-28 metrge deıin kúsheıedi. Taýly asýlarda jel ekpini sekýndyna 30 metr jáne odan da joǵary bolýy múmkin.
Qyzylorda oblysynda túnde qatty jaýyn-shashyn (jańbyr, qar) kútiledi, kúndiz oblystyń ortalyǵynda, soltústiginde jáne ońtústiginde jaýyn-shashyn (jańbyr, qar) jaýady. Atalǵan óńirlerde kóktaıǵaq, tuman, túnde boran boljanady. Jel ońtústik-batystan, batystan soǵady, túnde jel ekpini sekýndyna 15-20 metrge deıin jetedi. Qyzylorda qalasynda keı ýaqytta jaýyn-shashyn (jańbyr, qar), kóktaıǵaq, tuman, túnde boran kútiledi. Jel ekpini sekýndyna 15-20 metrge deıin jetedi.
Qaraǵandy oblysynda túnde jaýyn-shashyn (jańbyr, qar), boran, kóktaıǵaq bolady, oblystyń batysynda keı ýaqytta qatty jaýyn-shashyn kútiledi. Kúndiz oblystyń batysynda, soltústiginde jáne shyǵysynda jaýyn-shashyn (jańbyr, qar), boran, kóktaıǵaq bolady. Ońtústiginde tuman túsedi. Jel ońtústikten, ońtústik-batystan soǵyp, túnde jáne kúndiz ekpini sekýndyna 15-20 metr, batysy men shyǵysynda 23-28 metrge deıin jetedi. Qaraǵandy qalasynda jaýyn-shashyn, jaıaý burqasyn, kóktaıǵaq kútiledi.
Ulytaý oblysynda jaýyn-shashyn (jańbyr, qar), boran, kóktaıǵaq bolady, túnde oblystyń batysy men soltústiginde qatty jaýyn-shashyn kútiledi. Soltústigi men ortalyǵynda tuman túsedi. Jel ońtústik-batystan soltústik-batysqa aýysyp, sekýndyna 15-20 metr, ońtústigi men shyǵysynda 23-28 metrge deıin kúsheıedi. Jezqazǵan qalasynda keı ýaqytta jaýyn-shashyn, jaıaý burqasyn, kóktaıǵaq bolady.
Mańǵystaý oblysynyń ońtústiginde, soltústiginde jáne ortalyǵynda kóktaıǵaq pen tuman kútiledi. Túnde oblystyń soltústik-shyǵysynda 20 gradýsqa deıin qatty aıaz boljanady.
Qostanaı oblysynyń shyǵysynda jáne ońtústiginde qar, boran, túnde ońtústiginde qatty qar jaýady. Oblystyń batysynda, soltústiginde jáne shyǵysynda tuman túsedi. Jel soltústik-batystan soǵyp, ekpini 15-20 metr. Qostanaı qalasynda tuman kútiledi.
Batys Qazaqstan oblysynyń batysynda, soltústiginde jáne shyǵysynda tuman boljanady.
Shyǵys Qazaqstan oblysynyń soltústiginde kúndiz jaýyn-shashyn (jańbyr, qar), boran, kóktaıǵaq bolady. Túnde jáne tańerteń oblystyń soltústigi men ońtústiginde tuman túsedi. Jel ońtústik-shyǵystan soǵyp, ekpini sekýndyna 15-20 metr, kúndiz 23-28 metnge deıin jetedi. О́skemen qalasynda kúnniń ekinshi jartysynda jaýyn-shashyn, kóktaıǵaq kútiledi.
Abaı oblysynyń batysynda túnde qar, boran, al kúndiz batysynda, soltústiginde jáne ortalyǵynda jaýyn-shashyn (jańbyr, qar), boran, kóktaıǵaq bolady. Túnde jáne tańerteń ońtústigi men shyǵysynda tuman túsedi. Semeı qalasynda kúndiz jaýyn-shashyn, boran, kóktaıǵaq kútiledi.
Soltústik Qazaqstan oblysynyń ońtústiginde jáne shyǵysynda qar, boran, kóktaıǵaq, tuman bolady. Jel soltústik-batystan soǵyp, ekpini sekýndyna 15-20 metrge deıin jetedi.
Túrkistan oblysynyń ońtústiginde jáne taýly aýdandarynda qatty jaýyn-shashyn (jańbyr, qar) kútiledi. Kóktaıǵaq, jaıaý burqasyn bolady. Oblystyń batysynda, soltústiginde jáne taýly aımaqtarynda tuman túsedi. Shymkent qalasynda keı ýaqytta qatty jaýyn-shashyn, tuman, kóktaıǵaq, jaıaý burqasyn boljanady.
Pavlodar oblysynda jaýyn-shashyn (qar, jańbyr), kúndiz oblystyń batysy men soltústiginde qatty jaýyn-shashyn kútiledi. Boran, kóktaıǵaq bolady, keı óńirlerde tuman túsedi. Pavlodar qalasynda da jaýyn-shashyn, boran, kóktaıǵaq boljanady.
Aqmola oblysynda qar, boran, kóktaıǵaq, al ońtústigi men shyǵysynda keı ýaqytta qatty jaýyn-shashyn kútiledi. Jel ońtústik-batystan soltústik-batysqa aýysyp, ekpini sekýndyna 15-20 metr. Kókshetaý qalasynda túnde jáne tańerteń kóktaıǵaq bolady.
Aqtóbe oblysynyń shyǵysynda túnde jaıaý burqasyn kútiledi. Jel soltústik-batystan soǵyp, ekpini sekýndyna 15-18 metr.
Jambyl oblysynda túnde batysy men soltústiginde, kúndiz ońtústigi men taýly aýdandarynda jaýyn-shashyn (jańbyr, qar), jaıaý burqasyn, kóktaıǵaq kútiledi. Taraz qalasynda kúndiz kóktaıǵaq boljanady.
Jetisý oblysyndaǵy Alakól kólderi aýdanynda shyǵystan soǵatyn jeldiń ekpini keı ýaqytta sekýndyna 30 metr jáne odan da joǵary bolady, qatty jaýyn-shashyn (jańbyr, qar) kútiledi. Oblystyń batysynda, soltústiginde, ortalyǵynda jáne taýly aýdandarynda kóktaıǵaq bolady.