Shymkent qalasynda Badam ózeninde balyqtar jappaı qyrylǵan. Balyq ólekselerin jergilikti turǵyndar vıdeoǵa túsirip áleýmettik jelige salǵan. О́zen sýyna zerthanalyq taldaý jasaǵan mamandar sýdyń quramynda kúkirt qyshqyly bar ekenin anyqtaǵan, dep habarlaıdy Egemen.kz.
Taldaý nátıjesinde sý synamalarynda sýlfattardyń mólsheri joǵary ekeni anyqtalǵan. Sarapshylardyń pikirinshe, dál osy faktor balyqtardyń qyrylýyna sebep bolǵan. Aldyn ala málimet boıynsha, lastaný ónerkásiptik qaldyqtarmen baılanysty.
Astanadaǵy Maıbalyq kólinde eki balyqshy qutqaryldy
Qyshqyl eritindi káriz qubyryna tógilgen, sodan keıin qubyr jarylǵan. Sýdyń agressıvti hımııalyq quramyna baılanysty tógindini birden toqtatý múmkin bolmaǵan. Birneshe saǵat boıy lastanǵan aǵyn sý ózenge quıylyp otyrǵan.
«Shymkent qalasy aýmaǵynda ornalasqan Badam ózeninde balyqtyń qyrylý faktileri boıynsha Aral − Syrdarııa oblysaralyq basseındik balyq sharýashylyǵy ınspeksııasymen birge quzyrly organdar tıisti zerdeleý jumystaryn júrgizdi. «Elaman» shaǵyn aýdany baǵytyna qaraı tartylǵan kanalızasııa qubyrynyń jarylýyna baılanysty balyq qyrylý faktisi anyqtaldy», delingen AShM balyq sharýashylyǵy komıtetiniń málimdemesinde. Balyq synamalary Shymkent qalasy boıynsha aýmaqtyq veterınarııa ınspeksııasy men sanıtarlyq-epıdemıologılyq baqylaý departamentine joldandy. Sonymen birge, Shymkent qalasy boıynsha Ekologııa departamentiniń qyzmetkerleri sý synamalaryn alyp, tıisti ekspertızaǵa jiberdi. 2-5 jastaǵy qarabalyqtardyń shoǵyrlary, torta, tıbet talma balyǵy men ózen abbotınalary tirkelgen. Kókshetaýda zańsyz balyq aýlaǵan 400 adam aıyppul arqalady «Qazir tabıǵatqa keltirilgen zalaldy anyqtaý maqsatynda ólgen balyq shabaqtaryn jınaý jumystary júrgizilip jatyr. Sonyń nátıjesinde quqyq buzýshyǵa tıisti sharalar qabyldanady», delingen habarlamada. Ekologtar turǵyndardy qorshaǵan ortaǵa uqypty qaraýǵa jáne qandaı da bir zańbuzýshylyqtar anyqtalǵan jaǵdaıda tıisti oryndarǵa dereý habarlaýǵa shaqyrdy.Kókshetaýda zańsyz balyq aýlaǵan 400 adam aıyppul arqalady